Facebook, Gmail i Twitter mohuć «pierakryć» u Rasii, kali jany nie zarehistrujucca ŭ RF. Raskamnahlad užo nakiravaŭ adpaviednyja paviedamleńni hetym amierykanskim servisam.
Nieabchodnaść rehistravacca ŭ Rasii prapisanaja papraŭkami ŭ zakony «Ab suviazi», «Ab infarmatyzacyi infarmacyjnych technałohijach i ab abaronie infarmacyi» i KaAP.
U ich, u pryvatnaści havorycca pra toje, što sajty i sistemy, jakija zabiaśpiečvajuć pryjom, pieradaču, dastaŭku paviedamleńniaŭ u Internecie, pavinny zarehistravacca ŭ Raskamnahladzie i na praciahu paŭhoda zachoŭvać na terytoryi Rasii ŭsiu pryniatuju infarmacyju — budź jana ŭ tekstavym, hrafičnym, hukavym i lubym inšym vyhladzie.
Arhanizacyjam, jakija nie vykonvajuć patrabavańnie, pahražaje štraf da paŭmiljona rubloŭ i papadańnie ŭ «čorny śpis».
«Ukantakcie», servisy «Jandeksa» i Mail.Ru užo ŭklučany ŭ rejestr, «Chabrachabr» — u pracesie rehistracyi», — raspavioŭ namieśnik kiraŭnika Raskamnahladu Maksim Ksianzoŭ.
Jon udakładniŭ, što partałam, jakija jašče nie pačali praces rehistracyi, nakiravany paviedamleńni ab nieabchodnaści jaje pravieści.
«My ź imi viadziem kansultacyi i pakul śpiecyjalna nie pryśpiešvajem», — kaža jon. Facebook, Gmail i Twitter pavinny pryniać rašeńnie z nahody raźmiaščeńnia svaich data-centraŭ u Rasii.
Raniej rasijskija ŚMI paviedamili pra namier rasiejskich uładaŭ adklučyć Runet ad hłabalnaha sieciva.
Adnak pres-sakratar Pucina Dźmitryj Piaskoŭ paźniej rastłumačyŭ, što rasiejskija ŭłady nie razhladajuć varyjant adklučeńnia Runetu ad suśvietnaj sietki Internet. Ajčynnyja śpiecyjalisty, pa słovach pres-sakratara, chočuć raspracavać achoŭnyja miery na vypadak nadzvyčajnaha zdareńnia, bo zachodnija partniory nie zaŭsiody byvajuć nadziejnyja.
Ciapier čytajuć
Rasijski pradaviec paśpiachovaha pośpiechu pasprabavaŭ adkryć filijał u Minsku. Reakcyja biełarusaŭ była pakazalnaj7
Rasijski pradaviec paśpiachovaha pośpiechu pasprabavaŭ adkryć filijał u Minsku. Reakcyja biełarusaŭ była pakazalnaj
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić3434
Kamientary