Mahiloŭskija vučni prosiać Kolu Łukašenku dapamahčy ŭ dobraŭparadkavańni školnaj terytoryi
U Mahilovie 15 vučniaŭ siaredniaj škoły № 33 padpisalisia pad listom da syna biełaruskaha kiraŭnika Mikałaja Łukašenki z prośbaj dapamahčy ŭ dobraŭparadkavańni pryškolnaj terytoryi.
«Pavažany Mikałaj Łukašenka, my, školniki SŠ № 33, prosim vas jak upłyvovaha školnika i budučaha prezidenta abaviazać mahiloŭskich kiraŭnikoŭ vykanać svaje abaviazki ŭ zabieśpiačeńni dziciačaj biaśpieki pry naviedvańni škoły i karystańni sportplacoŭkami», — havorycca ŭ liście školnikaŭ.
Jak paviedamiŭ inicyjatar zboru podpisaŭ siarod vučniaŭ hramadski aktyvist Alaksiej Paŭłoŭski, źviarnucca da syna Łukašenki prymusiła abyjakavaje staŭleńnie mahiloŭskich čynoŭnikaŭ, adkaznych za biaśpieku dziaciej na terytoryi škoły.
U svaim liście da Mikałaja Łukašenki vučni prosiać, kab mahiloŭskija čynoŭniki zabiaśpiečyli asfaltavańnie ŭvachodu na terytoryju škoły, «bo tam ź bietonu tyrčyć druz i kala ŭvachodu ŭtvarajucca łužyny», a taksama prysypku žviram miescaŭ ustanoŭki łavak na školnym stadyjonie i ramont aharodžy sportplacoŭki ŭ mikrarajonie «Technaprybor».
Raniej, 9 vieraśnia, adkaz na padobnuju prośbu adnosna asfaltavańnia ŭvachodu na terytoryju škoły z boku zavoda «Elektraruchavik» i padsypki žviram miescaŭ ustanoŭki łavak na stadyjonie ŭstanovy Paŭłoŭskamu davaŭ kiraŭnik Leninskaha rajona Łaŭrynovič.
«Na hetyja vidy rabot biudžetam horada finansavańnie nie praduhledžana. Siłami ŭstanovy adukacyi ŭkazanyja raboty pravieści niemahčyma z pryčyny vialikich materyjalnych zatrat. Adździełam adukacyi, sportu i turyzmu hetyja vidy rabot uklučany ŭ płan biahučaha i kapitalnaha ramontu na 2015 hod i buduć vykanany pry ŭmovie finansavańnia», — paviedamlaje čynoŭnik.
Pavodle słoŭ Paŭłoŭskaha, zbor podpisaŭ vučniaŭ ažyćciaŭlaŭ tolki sa zhody prysutnych pobač baćkoŭ školnikaŭ.
Stali viadomyja padrabiaznaści pra trahiedyju ŭ Połackim manastyry16
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary