Jacaniuk i Turčynaŭ pojduć na vybary nie ad «Baćkaŭščyny», a ad Narodnaha Frontu
U ich śpisie taksama ministr Avakaŭ i kazak Haŭryluk.
Premjer Ukrainy Arsień Jacaniuk abrany staršyniom Palitrady «Narodnaha Frontu», Alaksandr Turčynaŭ uznačaliŭ centralny štab partyi.
Členy palitrady partyi Narodny front: Arsien Avakaŭ, Lila Hrynievič, Viačasłaŭ Kirylenka, Pavieł Piatrenka, Andrej Parubij, Alaksandr Turčynaŭ, Arsień Jacaniuk, Taćciana Čarnavoł.
Členami vajennaha savieta partyi abrali Andreja Bialeckaha, Juryja Biarozu, kambata «Arciomaŭska» Kanstancina Maciejčanku, a taksama kamandziraŭ bataljonaŭ «Załatyja varoty», «Čarnihaŭ», «Miratvorac».
Turčynaŭ skazaŭ na źjeździe, što vajskoŭcy i pravaachoŭniki nie mohuć źjaŭlacca členami jakoj-niebudź partyi. U suviazi z hetym, pavodle jaho słoŭ, i sfarmavany vajenny saviet «Narodnaha frontu».
Dźmitryj Tymčuk, Taćciana Čarnavoł i «kazak» Michaił Haŭryluk pojduć na vybary ad «Narodnaha frontu».
Kazak Haŭryluk vierahodna pojdzie mažarytarnym kandydatam, kali na źjeździe jamu spadabajecca i jon «nie ŭbačyć siarod delehataŭ bandytaŭ».
Siarod tych, chto pryjšoŭ na źjezd, taksama — kambat «Dniapra» Juryj Biaroza, kambat «Azova» Andrej Bilecki, Zoran Škirak, ministr Juryj Paŭlenka, Mikałaj Kniažycki, Andrej Parubij, Viačasłaŭ Kirylenka, Ludmiła Dzianisava, Arsień Jacaniuk, Alaksandr Turčynaŭ, Arsien Avakaŭ, Siarhiej Pašynski, Ksienija Lapina.
Raniej deputat ad «Baćkaŭščyny» Juryj Adarčanka zajaviŭ, što partyja «Narodny front» budzie sfarmiravana na bazie palitsiły Viačasłava Kirylenki «Za Ukrainu!». U toj ža čas u dziaržaŭnym rejestry partyja z nazvaj «Narodny front» była zarehistravanaja jašče ŭ sakaviku hetaha hoda.
Ciapier čytajuć
Stali viadomyja padrabiaznaści pra trahiedyju ŭ Połackim manastyry16
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary