Kantraktnik z Kurhanskaj vobłaści zahinuŭ. Jaho kaleha z Novaŭralska — u pałonie, paviedamlaje znak.com.
Znak.com piša, što trahičnaja viestka pryjšła ŭ horad Katajsk Kurhanskaj vobłaści. U vajenkamat, a zatym i svajakam pastupiła pacharonka na 21-hadovaha Viačasłava Kavalova, jaki prachodziŭ słužbu pa kantrakcie i zahinuŭ u chodzie bajoŭ na terytoryi Ukrainy. Pra heta raspaviali siabry Kavalova. Pachavańnie projdzie 9 vieraśnia ŭ vioscy Šucina, dzie naradziŭsia Viačasłaŭ.
«Jon byŭ vydatnym čałaviekam, dobrym synam i viernym siabram. Nikoli nikoha nie pakryŭdziŭ by, na jaho zaŭsiody možna było spadziavacca», — kaža pra zahinułaha adzin ź jaho siabroŭ.
Viačasłaŭ Kavaloŭ, pa słovach jaho siabroŭ, słužyŭ pa kantrakcie ŭ 31-j Asobnaj hvardziejskaj desantna-šturmavoj bryhadzie va Uljanaŭsku. Siabry chłopca kažuć, što dakładna nieviadoma, jak mienavita jon apynuŭsia na terytoryi Ukrainy. «Sa słoŭ tavaryšaŭ pa słužbie, ja tolki viedaju, što ich sabrali i skazali, što adpraŭlajuć u kamandziroŭku na vučeńni. A ŭ vyniku voś jak usio paviarnułasia», — raspaviadaje adzin ź ich.
Trahičnyja padziei adbylisia 29 žniŭnia. «Jany jechali ŭ bajavoj mašynie, ich padbili ź minamiota, i jon pamior ad ranieńniaŭ», — paviedamiŭ adzin ź siabroŭ Viačasłava Kavalova. Inšy dadaŭ: «Viedaju, što jaho padbili i jon byŭ paranieny. Miechanik jaho ciahnuŭ paranienaha na sabie (nie viedaju, jak jaho zavuć, ale jon z Novaŭralska). Ich złaviła nachvardyja Ukrainy, jon pamior ad ranieńnia. Miechanika ŭziali ŭ pałon».
Ciapier čytajuć
«Ja bolš nie anarchist». Mikoła Dziadok — pra turmu, Boha i rasčaravańnie ŭ ideałohijach12
Kamientary