Ministerstva zamiežnych spraŭ, pradstaŭnictva Ukrainy ŭ ES, a taksama administracyja prezidenta sprabujuć vyśvietlić pazicyju Jeŭrasajuza adnosna padziej va Ukrainie.
Pra heta zajaviła infarmavanaja krynica Jeŭrapiejskaj praŭdy ŭ dypłamatyčnaj słužbie, adznačyŭšy, što Kijeŭ nie chavaje svajho rasčaravańnia.
«Kijeŭ vielmi šanuje paśladoŭnuju padtrymku Ukrainy z boku ES, ale hłyboka rasčaravany pazicyjaj Brusela adnosna apošnich padziej. Dakładniej — jaje adsutnaściu. My ŭžo zrabili niekalki zajavaŭ publična, ale toje, što idzie pa dypłamatyčnych kanałach, maje značna bolš žorstkuju tanalnaść», — adznačyŭ surazmoŭca.
Krynica Jeŭrapiejskaj praŭdy dadała, što ES admaŭlajecca kankretyzavać svaju pazicyju. A ź sihnałaŭ, jakija pastupajuć u publičnaj płoskaści, možna zrabić vysnovu, što ES nie pryznaje fakt uvarvańnia rasijskich vojskaŭ, niahledziačy na biassprečnyja dokazy hetaha.
«My nie razumiejem, dzie pazicyja ES u ciapierašniaj situacyi. Idzie nieprychavanaja ahresija Rasii suprać Ukrainy z pryciahnieńniem jaje rehularnaj armii, i ES pra heta paviedamlena. Toje, što ES uziaŭ paŭzu i nie pryznaje hetaha, nas šakuje. ES pavinien vyznačycca», — adznačyŭ surazmoŭca.
Kijeŭ raźličvaje, što da samitu ES, jaki adbudziecca 30 žniŭnia, ES znojdzie siły pryznać vidavočnaje. «My čakajem, što Jeŭrasajuz uviadzie žorstkija sankcyi suprać RF i prymie rašeńnie ab pradastaŭleńni nam vajenna-techničnaj dapamohi».
Ciapier čytajuć
Vandroŭnik i biznesoviec ź Minska za dva dni znajšoŭ sabie praz sacsietki niaviestu — najbolš spadabałasia dziaŭčyna z Rasii13
Vandroŭnik i biznesoviec ź Minska za dva dni znajšoŭ sabie praz sacsietki niaviestu — najbolš spadabałasia dziaŭčyna z Rasii
«Ź piaci varyjantaŭ try kvatery zdavalisia tolki hramadzianam Biełarusi». Rasijanie pierajechali ŭ Homiel paśla ataki USU na Bransk — što ich dzivić?3636
Kamientary