Na 14 stancyjach minskaha mietro ŭ vieraśni źjaviacca 24 zony nadhladu pasažyraŭ i bahažu
Na 14 stancyjach minskaha mietro ŭ vieraśni biahučaha hoda źjaviacca 24 zony nadhladu pasažyraŭ, ich bahažu i ručnoj pakłažy, paviedamili ŭ staličnym mietrapalitenie.
Budaŭnictva zon nadhladu viadziecca na stancyjach «Kastryčnickaja», «Kupałaŭskaja», «Płošča Pieramohi», «Płošča Lenina», «Instytut kultury», «Niamiha», «Spartyŭnaja», «Aŭtazavodskaja», «Praletarskaja», «Uručča», «Mahiloŭskaja», «Kamiennaja Horka», «Puškinskaja», «Płošča Jakuba Kołasa». Zaviaršeńnie budaŭnictva hetych abjektaŭ, uklučanych u inviestycyjnuju prahramu Minska na 2014 hod, zapłanavana na vierasień.
Abstalavańnie, jakoje źjavicca ŭ minskim mietro, maje samyja sučasnyja charaktarystyki. Tak, naprykład, intraskop aŭtamatyčna vyjaŭlaje vybuchovyja rečyvy (takoje abstalavańnie, darečy, ustanoŭlena ŭ Nacyjanalnym aeraporcie Minsk, u mietrapalitenach Jekaciarynburha i Piekina). Mietaładetektar maje niekalki ŭzroŭniaŭ pa vyznačeńni mietałaŭ, u tym liku na ŭzroŭni abutku.
Na druhim etapie zony nadhladu źjaviacca jašče na čatyroch stancyjach mietro: «Hrušaŭka», «Michałova», «Malinaŭka» i «Piatroŭščyna».
Pavodle słoŭ śpiecyjalistaŭ, nadhlad bahažu i ručnoj pakłažy pasažyraŭ mietrapalitena budzie pravodzić inśpiektar słužby biaśpieki mietrapalitena ŭ adpaviednaści z raspracavanaj raniej instrukcyjaj. Nadhlad rečaŭ i dakumientaŭ pravodzicca tolki ŭ prysutnaści pasažyra. Pry admovie pasažyra ad prachodžańnia nadhladu rečaŭ, u tym liku z dapamohaj techničnych srodkaŭ, supracoŭnik słužby biaśpieki prapanuje jamu skarystacca inšym vidam transpartu.
Arhanizacyjna-techničnyja mierapryjemstvy pa nadhladzie ŭ Minskim mietrapalitenie naceleny na vyjaŭleńnie i praduchileńnie niezakonnaha pranosu na stancyi niebiaśpiečnych rečyvaŭ i pradmietaŭ, a taksama vyrabaŭ, svabodny abarot jakich na terytoryi respubliki zabaronieny abo abmiežavany.
Ciapier čytajuć
Biełaruskaja i rasijskaja armii na biełaruskaj terytoryi trenirujucca nanosić jadzierny ŭdar10
Kamientary