Malavanyč syhraje Janku Kupału FOTA
10 kastryčnika ŭ Ruskim teatry adbudziecca premjera śpiektakla «Piaśniar». Hałoŭnaja dziejnaja asoba — Uładzimir Mulavin.
Ale Vasil Drańko-Majsiuk, syn viadomaha paeta, napisaŭ pjesu nie pra žyćcio lidara «Pieśniaroŭ», a pra jaho tvorčaść. Zhodna ź siužetam,
hieroj (jaho rolu syhraje Siarhiej Žbankoŭ) budzie sustrakacca z kłasikami, na čyje vieršy abapiraŭsia ŭ svajoj tvorčaści (Jankam Kupałam, Jakubam Kołasam, Maksimam Bahdanovičam, Ciotkaj) i vieści ź imi havorku.
Režysior Valancina Jerańkova, jakaja rychtuje śpiektakl da premjery, užo vyznačyłasia, chto syhraje ajčynnych kłasikaŭ.
Rola Janki Kupały addadziena Alaksandru Ždanoviču.
Talenavity akcior, jon užo amal dva dziesiacihodździ, z 1996 hoda, viadzie pieradaču «Kałychanka» na biełaruskim telebačańni. Niekalki pakaleńniaŭ hledačoŭ viedajuć jaho jak Malavanyča.
Jakuba Kołasa syhraje Andrej Zacharevič.
Cikava, što ŭ studenckija hady jon ihraŭ hałoŭnyja roli adrazu ŭ dvuch śpiektaklach pa nacyjanalnaj kłasicy: «Dzikaje palavańnie karala Stacha» Karatkieviča (Andrej Biełarecki) i «Pajści i nie viarnucca» Bykava (Anton).
Rolu Maksima Bahdanoviča ŭvasobić Ivan Stralcoŭ,
jaki pryjšoŭ u Ruski teatr u śniežni minułaha hoda.
Ciotku syhraje Nastaśsia Špakoŭskaja.
U pastanoŭcy «Lehienda ab biednym Djabłu» Karatkieviča jana ihrała Dubraŭku. Ale najbolš viadomaja jak lidar rok-hurtu «Naka».
-
U Homielskim dramatyčnym teatry — kadravyja čystki. Znoŭ praz «palityku»
-
«Budzie śmiešna i baluča»: «Kupałaŭcy» prezientujuć zaŭtra novy śpiektakl. U hałoŭnych rolach — Manajeŭ, Biełachvościk, Harcujeva
-
«Rašeńnie pryjšło zvonku». Što adbyvajecca ŭ viciebskim teatry, dzie ŭ śpiektakli prahučała «Žyvie Fłandryja!» i pačałasia čarada zvalnieńniaŭ?
Inžyniera-kanstruktara z upraŭleńnia «Pielenha», jakoje robić techniku dla rasijskaha vojska, asudzili pa palityčnych artykułach3
Kamientary