Abstanoŭka z padrychtoŭkaj škoł da novaha navučalnaha hoda nie vyklikaje tryvohi. Ab hetym zajaviŭ 15 žniŭnia žurnalistam premjer-ministr Biełarusi Michaił Miaśnikovič.
U čas rabočaj pajezdki ŭ Mahiloŭskuju vobłaść kiraŭnik urada naviedaŭ u Babrujsku školny bazar, aznajomiŭsia z padrychtoŭkaj da školnaha siezona dźviuch ustanoŭ adukacyi ŭ Asipovičach.
Pavodle słoŭ premjer-ministra, naviedvańnie školnaha bazaru ŭ Babrujsku pakinuła stanoŭčaje ŭražańnie. Tut byŭ pradstaŭleny davoli vialiki vybar tavaraŭ školnaha asartymientu i, što niemałavažna, pa dastupnych cenach. «Viadoma, heta dastupnaść - paniaćcie davoli adnosnaje, - vykazaŭ mierkavańnie Michaił Miaśnikovič. - Pradaviec zaŭsiody ličyć, što pradaje tanna, a pakupnik naadvarot - što ŭsio doraha.
Ale, prynamsi, kali pahladzieć pa siaredniaj zarabotnaj płacie ŭ krainie, to dvuch dziaciej siaredniaha ŭzrostu možna biez asablivych prablem adpravić u škołu».
«U cełym abstanoŭka z padrychtoŭkaj škoł da novaha navučalnaha hoda va ŭradzie nie vyklikaje vialikich sumnieńniaŭ, - padkreśliŭ premjer. - Ale mnie nieabchodna było asabista pierakanacca na prykładzie Mahiloŭskaj vobłaści, što situacyja adpaviadaje realnaści. U hetaj rabocie nie pavinna być nijakich niedarobak i drobiaziej. Usio da novaha navučalnaha hoda pavinna być padrychtavana na samym vysokim uzroŭni».-
Ciapier čytajuć
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić
Kamientary