Klučy ad Eŭropy ŭ rukach Łukašenki

Mikoła Statkievič raskručvaje ideju Kanhresu praeŭrapiejskich siłaŭ. Pryčym robić heta ŭ palemičnaj manery.

Pavialičyć

"Mabyć, adzinstva apazycyi — heta srodak, a nia meta, — zajaŭlaje palityk. — Heta pavinna być srodkam dla pieramohi. Ale kali hetaja dastatkova štučnaja kaalicyja, abjadnańnie supraćlehłych — pa idealohii, pa hieapalityčnamu vybaru — palityčnych siłaŭ zaminaje nam ruchacca napierad, to, mahčyma, nam treba admovicca ad hetaha abjadnańnia albo zrabić jaho bolš miakkim?.. Apazycyju treba źjadnać z paśpiachovym prajektam. Kali hetamu zaminaje žadańnie kamunistaŭ padabacca lubimaj Maskvie, to na chaleru tady patrebna takaja kaalicyja?".

Moža, Statkievič vyrašyŭ uziać revanš za travieński Kanhres demakratyčnych siłaŭ, dzie apynuŭsia ŭ mienšyni? Mo' jahonaja inicyjatyva stavić na mecie pachisnuć pazycyi kalakincaŭ na levym fłanzie?

Palityčny ahladalnik Paŭluk Bykoŭski, ź jakim my siońnia abmiarkoŭvali hetuju temu, ličyć, što reč tut nie ŭ raskolnickich pamknieńniach. Ź jahonych słoŭ, Mikołu Statkieviču paśla dvuch hadoŭ u roli palitviaźnia treba napracoŭvać imidž i pašyrać svaju nišu. Šancy na rehistracyju jahonaj partyi nulavyja. A na chvali novaj inicyjatyvy možna efektna ŭvajści ŭ parlamenckuju kampaniju.

Zrešty, prasoŭvańnie eŭrapiejskaj idei — sapraŭdy prablema, nad jakoj varta padyskutavać. Sacyjalohija śviedčyć, što entuzijastaŭ ŭvachodžańnia ŭ Eŭraźviaz siarod šyrokaha elektaratu apošnim časam navat pamienieła, a raście dola tak zvanych izalacyjanistaŭ.

Kaniešnie, ad eŭrapiejskaha dabrabytu nichto b nie admoviŭsia. Ale vyhladaje na toje, što masa prosta nia vieryć u dasiahalnaść toha raju. "Nia ŭ hetym žyćci!".

Jak ni paradaksalna, ale klučy ad Eŭropy faktyčna ŭ rukach Alaksandra Łukašenki. Adnym rosčyrkam piara jon moh by zrabić toje, na što nia zdolnyja ŭsie kanhresy razam uziatyja.

Zaraz biełaruskija palitolahi stali kazać, što vykanańnie rekamendacyj Eŭraźviazu mahło b stać samym paśpiachovym ekanamičnym prajektam aficyjnaha Miensku. Ułučeńnie ŭ vyhadnyja prajekty EZ, prytok investycyjaŭ i h.d. — usio heta zdolnaje dać kumulatyŭny efekt.

Katalizataram moža stać vykanańnie navat adnoj umovy — vyzvaleńnie "palityčnych". Ale ž tut i zahvazdka!

Pavodle jurysta Hary Pahaniajły, pad amnistyju, zakon ab jakoj tolki što padpisany, hetyja ludzi nie padpadajuć. Adnak moža być i niejkaje ekskluzyŭnaje rašeńnie najvyšejšaj słužbovaj asoby.

Heta toj vypadak, kali, miarkuju, usie pravaabaroncy z zadavalnieńniem zapluščyli b vočy na farmalnaści…

Ale… Vy tak dobra viedajecie niuansy hetaha "ale", što nia varta i rasšyfroŭvać.

• 0
• 0
• 0
• 0
• 0
• 0
• 0
• 0