Kiraŭnik Raśsielhasnahladu Siarhiej Dankviert 12 žniŭnia pryjedzie ŭ Biełaruś na sustreču ź ministram sielskaj haspadarki i charčavańnia Leanidam Zajcam.
«U chodzie pierahavoraŭ ź ministram sielskaj haspadarki Biełarusi Leanidam Zajcam buduć abmierkavanyja pytańni niedapuščeńnia reekspartu z terytoryi Biełarusi pradukcyi krain, abmiežavanaj da ŭvozu ŭ Rasiju,
a taksama baraćby z afrykanskaj čumoj śviniej «, — cytuje paviedamleńnie Raśsielhasnahladu RIA Naviny.
Rasija na hod zabaraniła impart šerahu sielskahaspadarčych i charčovych tavaraŭ z krain, jakija ŭviali sankcyi ŭ dačynieńni da RF, — ZŠA, dziaržaŭ ES, Kanady, Aŭstralii i Narviehii.
U adpaviedny śpis trapili jałavičyna, śvinina, miasa ptuški, sadavina, harodnina, syry i małočnaja pradukcyja, arechi i inšyja pradukty.
Kiraŭniki Minsielhascharča Biełarusi raniej zajaŭlali, što na nastupnym tydni budzie abmierkavana pytańnie pavieličeńnia pastavak biełaruskich praduktaŭ charčavańnia ŭ Rasiju, pryčym jość mahčymaść ich značna naraścić.
«Dla nas heta kłandajk. My hatovyja zamianić zachodnija krainy pa mnohich pazicyjach u častcy charčavańnia», — zajaviŭ pieršy namieśnik ministra sielskaj haspadarki i charčavańnia Leanid Marynič.
«Pavialičym vypusk pa syrach roznaj ćviordaści», — adznačyŭ Marynič.
Biełaruś taksama hatova pavialičyć pastaŭki miasa i celnaha małaka zamiest Finlandyi.
«Zamienim hałandskuju bulbu, zamienim polskija jabłyki — u nas usio jość», — zapeŭniŭ namieśnik ministra.
Ciapier čytajuć
«Ja jedu natchnicca ŭkraincami». Śviatłana Cichanoŭskaja pačała aficyjny vizit va Ukrainu20
Kamientary