Na dalnabojnika, jaki zładziŭ pjanyja honki pa darohach Hrodzienskaj i Bresckaj abłaściej, składziena 38 pratakołaŭ ab administracyjnych pravaparušeńniach. Pra heta paviedamiła inśpiektar DAI UUS Hrodzienskaha abłvykankama Ludmiła Rakievič.
Rekordnaja kolkaść pratakołaŭ składziena za ździejśnienyja dalnabojnikam try DTZ, kiravańnie transpartnym srodkam u stanie ałkaholnaha apjanieńnia, za parušeńnie praviłaŭ abhonu i manieŭravańnia, vyjezd na sustrečnuju pałasu ruchu, za pakidańnie miesca DTZ, stvareńnie avaryjnaj situacyi, nieadnarazovaje niepadparadkavańnie patrabavańniam DAI ab spynieńni. Parušalnika ŭdałosia spynić tolki paśla taho, jak z tabielnaj zbroi byli zrobleny streły pa kołach.
Pakul navat supracoŭniki DAI bajacca vykazać zdahadku, na jakuju sumu paciahnuć štrafy pa takoj kolkaści parušeńniaŭ i na kolki hadoŭ kiroŭca budzie pazbaŭleny pravoŭ kiravańnia transpartnym srodkam. Pa słovach Ludmiły Rakievič, kožny artykuł karajecca albo pazbaŭleńniem pravoŭ, albo štrafam, ahulnaje pakarańnie zaležyć ad vyniasieńnia rašeńniaŭ pa kožnym pratakole. Chutčej za ŭsio, dla dalejšaha razhladu pratakoły buduć pieradadzienyja ŭ staličnuju DAI, pa miescy rehistracyi parušalnika, dzie i buduć pa ich pryniatyja adpaviednyja rašeńni. Tolki za kiravańnie aŭto ŭ pjanym vyhladzie štraf składaje ad 50 da 100 bazavych vieličyń (adna BV roŭnaja Br150 tys.).
Pakul 30-hadovy parušalnik-dalnabojščyk znachodzicca pad vartaj u Słonimskim RAUS. Jak rastłumačyŭ jon inśpiektaram, niezadoŭha da taho, jak sieści za rul, užyŭ 200-300 hram harełki i paŭtara litra piva, bo pasvaryŭsia z žonkaj i byŭ vielmi zasmučany. Pa vynikach miedycynskaha ahladu kancentracyja paroŭ etyłavaha śpirtu ŭ vydychanym pavietry pravaparušalnika skłała 1,94 pramile.
-
U Pružanach sa stralaninaj zatrymlivali kiroŭcu biez pravoŭ
-
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi
-
«Parvaŭ sabie dyjafrahmu i kiški, nanoŭ vučyŭsia chadzić». Unuk aŭtara «Kałychanki» Vasila Rainčyka raspavioŭ, jak trapiŭ u strašnuju avaryju
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy80
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi44
Kamientary