Siły Antyterarystyčnaj apieracyi ŭziali pad kantrol paŭdniova-ŭschodniuju častku Łuhanska, zajaviła pres-słužba Administracyi prezidenta Ukrainy. Pry hetym ukrainskija vajskoŭcy razbłakavali aeraport Łuhanska.
«Ministr abarony hienierał-pałkoŭnik Valeryj Hielatej dałažyŭ prezidentu Ukrainy Piatru Parašenku ab tym, što Uzbrojenyja Siły Ukrainy ŭziali pad kantrol paŭdniova-ŭschodniuju častku horada Łuhansk. Taksama ŭkrainskija vajskoŭcy razbłakavali aeraport Łuhanska. Uzbrojenyja Siły praciahvajuć vyzvaleńnie nasielenych punktaŭ Ukrainy ad hrupovak bajevikoŭ», — skazana ŭ paviedamleńni.
Apieracyju praviała miechanizavanaja 30-ja bryhada.
Try dni nazad ukraincy ŭžo dajšli da paŭdniovaha zachadu horada i da aeraporta, ale byli vymušany adstupić pad udarami «Hradaŭ».
Zachop paŭdniovaha ŭschodu Łuhanska važny ŭ stratehičnym płanie. Kali ŭkraincam ŭdasca zamacavacca tam, buduć pierarezany šlachi zabieśpiačeńnia terarystaŭ zbrojaj z Rasijskaj Fiederacyi. Mienavita ŭ paŭdniova-ŭschodnim kirunku prachodzić daroha Łuhansk — Krasnodon — Izvaryna — miaža Rasii.
Žychary Łuhanska paviedamlajuć u sacyjalnych sietkach, što ŭ dadzieny momant va ŭsim horadzie čuvać aŭtamatnaja i kulamiotnaja stralanina.
Kamientary