Pasoł Litvy ŭ ZŠA Žyhimantas Pavilonis śćviardžaje, što jašče 6 hadoŭ tamu mieŭ racyju adnosna Rasii: joj nie chapiła Hruzii, pryjšła čarha Ukrainy, a ciapier pytańnie, chto budzie nastupnym.
«Kali Rasija ŭvarvałasia va Ukrainu, usie zrazumieli, što tyja, kaho nazyvali paranoikami ŭ dačynieńni da Rasii abo chto sprabavaŭ spynić ahresiju Rasiju jak unutry krainy, tak i za jaje miežami, mieli racyju.
I ŭžo lepš zastavacca tym, chto nie hrebuje mocnym słoŭcam, ale abaronić svoj narod ad mahčymaj katastrofy. Lepš užo davajcie čuć hetych miesij, čym śmiajacca nad imi», — skazaŭ u intervju DELFI Pavilonis.
Jon nahadaŭ, što kali Rasija akupavała niemałuju častku terytoryi Hruzii, litoŭskija dypłamaty byli adzinymi, chto sprabavaŭ abaraniać svabodu Hruzii da kanca.
«Z nas śmiajalisia, paciašalisia, ale pa sutnaści, tolki tamu, što my, mahčyma, zanadta mocna lubili svaju krainu i zanadta mocna supraciŭlalisia ahresii Pucina», - skazaŭ dypłamat.
«Ja jašče pamiataju svaje ŭłasnyja słovy, skazanyja ŭ Bruseli, kali nas nie razumieli: daražeńkija maje, heta miunchienskaja zmova, tolki XXI stahodździa, i kali vy heta robicie, to heta sihnał i dazvoł Pucinu heta paŭtaryć. Šeść hadoŭ, i žyćcio dakazała, što ja mieŭ racyju», — adznačyŭ Pavilonis.
Ciapier čytajuć
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ9
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary