Italjanskuju aŭtentyčnuju picu možna znajści ŭ restaranach Minska. Takoje mierkavańnie vykazaŭ siońnia žurnalistam Nadzvyčajny i Paŭnamocny Pasoł Italii ŭ Biełarusi Stefana Bjanki.
«U Minsku ŭ niekatorych restaranach i kaviarniach možna znajści aŭtentyčnuju picu. Kali vy budziecie šukać — znojdziecie», — skazaŭ dypłamat, nie kankretyzujučy nazvy hetych ustanoŭ.
Hetym letam znakamitaja italjanskaja strava pica «Marharyta» śviatkuje 125-hadovy jubilej. «Marharyta» stała častkaj spadčyny ŭsiaho śvietu, nie tolki Itali «, — adznačyŭ pasoł. Štohod u Italii prachodziać spabornictvy pa pryhatavańni picy. «My b z zadavalnieńniem adznačali dni naradžeńnia i inšych straŭ, jakimi bahataja naša kraina, ale ich nastolki šmat, što my, napeŭna, pravodzili b za śviatočnym stałom uvieś hod», — vykazaŭ mierkavańnie Stefana Bjanki.
Siońnia pasoł pryniaŭ udzieł u dehustacyi niekalkich varyjantaŭ picy, pryhatavanaj šef-povaram ź Italii. Mierapryjemstva prajšło niedaloka ad Minska ŭ farmacie kruhłaha stała. U im, akramia žurnalistaŭ i vytvorcaŭ biełaruskich praduktaŭ charčavańnia ŭdzielničali italjanskija kulinarnyja ekśpierty Renata Kučynota i Ińjacyja Roza.
U Minsku pamior adzin z samych viadomych zabojcaŭ Rasii. Jon žyŭ pad čužym imieniem i staŭ piśmieńnikam-fantastam4
Kamientary