Pra vypadak piša Turizm i otdych.
«Siońnia da nas u redakcyju źviarnulisia pradstaŭniki turystyčnaj kampanii «Bonšans», asnoŭnym napramkam jakoj źjaŭlajecca arhanizacyja dziciačaha adpačynku ŭ Bałharyi, — piša vydańnie. —
Dyrektar turfirmy Taćciana Zyl paviedamiła, što hetaj nočču, z 7 na 8 lipienia, u Słavakii ŭ horadzie Košyce nieviadomyja ŭskryli i abakrali aŭtobus, na jakim biełaruskija dzieci viartalisia dadomu paśla adpačynku ŭ Bałharyi».
Pa słovach pradstaŭnika kampanii, aŭtobus učora ŭviečary spyniŭsia na zapłanavany tranzitny načleh u adnym z hatelaŭ horada. Amal usie turysty pakinuli svaje rečy na noč u aŭtobusie, bo ranicaj znoŭ pavinny byli adpravicca ŭ darohu. Toje, što ŭskryta bahažnaje adździaleńnie i adbyŭsia kradziež, vyjaviłasia siońnia ranicaj. Kiraŭnik hrupy adrazu ž vyklikała palicyju i apaviaściła pra incydent turystyčnuju kampaniju «Bonšans».
Jak raspaviadaje Taćciana Zyl, u hrupie z 50 čałaviek, paciarpieli 15—16, adnak usia hrupa vymušana zatrymacca da poŭnaha afarmleńnia dakumientaŭ u palicyi:
«Ciapier na miescy la tranzitnaha načlehu adbyvajecca raźbiralnictva, składajecca pratakoł, prachodziać usie nieabchodnyja administracyjnyja pracedury, zhodna z zakanadaŭstvam Słavakii.
Pa słovach dyrektara kampanii, u viadomaść pastaŭlena dyrektar słavackaha turapieratara, jakaja zabiaśpiečvała tranzitnyja načlehi tudy i nazad.
«Jana znachodzicca z hrupaj, kab dapamahčy ź pierakładam, a taksama hatova pa našym rasparadžeńni zabiaśpiečyć hrupu dadatkovym abiedam, — zaznačaje Taćciana Zyl.
— Niahledziačy na niepryjemny incydent (kradziež majomaści) z samaadčuvańniem dziaciej usio dobra, Vierniecca hrupa ŭ Biełaruś zaŭtra ranicaj.
Taksama ab tym, što zdaryłasia apaviaścili i MZS, jakojesumiesna z našaj kampanijaj budzie hatovy akazać lubuju dapamohu, kali spatrebicca. Pakul ža na miescy pracuje palicyja i vyrašeńniem ŭźnikłaj prablemy zajmajecca naš prymajučy słavacki bok».
Darečy, padobnyja incydenty - nie redkaść, i, jak bačym, terytoryi krain Jeŭrasajuza - nie vyklučeńnie. Pa pryčynie źmienienaha ŭ hetym hodzie aŭtobusnaha maršrutu na kurorty Bałharyi, słavacki Košyce (dzie i adbyŭsia kradziež) prosta navodnieny turystyčnymi aŭtobusami.
Kamientary