Ukraina, Hruzija, Małdova padpisali Pahadnieńnie ab asacyjacyi ź ES: «Heta vialiki dzień dla ŭsich krain»
Cyrymonija prachodzić u Bruseli, u joj biaruć udzieł lidary 28 krain ES.
Staršynia Jeŭrapiejskaha savieta Chierman van Rampiej skazaŭ:
«Heta padzieja źjaŭlajecca pryznańniem terytaryjalnaj cełasnaści. Budučyja pakaleńni Małdovy, Ukrainy i Hruzii zapomniać hety dzień.
Heta vialiki dzień dla Jeŭropy. Rasija chaj nie baicca, bo heta Pahadnieńnie nie skiravana suprać jaje».
Premjer-ministr Hruzii Iraklij Harybašvili ŭ svaim vystupie zaznačyŭ:
«Heta chvalujučy dla Hruzii dzień. Hruzija pavinna dałučycca da Jeŭropy i zabiaśpiečyć sabie mir i stabilnaść. My prapanujem partniorstva ŭ biźnies-śfiery, my źjaŭlajemsia prykładam realizacyi reformaŭ u rehijonie. Na praciahu historyi my padzialajem ź Jeŭropaj tyja ž kaštoŭnaści. Naša kraina nikoli nie hublała suviazi ź jeŭrapiejskimi kaštoŭnaściami, niahledziačy na pravakacyi.
Hramadzianie Hruzii vybrali demakratyju. Heta histaryčnaje Pahadnieńnie ŭvasobić jeŭrapiejskuju maru ŭ našych krainach u realnaść».
Premjer-ministr Małdovy Juryj Lanke ŭ svaim vystupie zaznačyŭ:
«Małdova i ES złučanyja nazaŭždy. Pradbaču dobruju budučyniu. Maładaja Małdova bačyła ŭźloty i padzieńni na praciahu svajoj historyi, ale stanovišča rečaŭ chutka źmianiajecca da lepšaha.
U 2009 hodzie, z prychodam prajeŭrapiejskaj ŭłady, hety vybar abaviazvaje nas iści napierad, i ŭ nas niama prava na kampramisy. Treba stać siabrami hetaj jeŭrapiejskaj siamji. Niama sumnieńniaŭ u hatoŭnaści. Siońnia asnoŭnyja kaštoŭnaści ES prachodziać vyprabavańnie, nam patrebna vaša padtrymka. Dziakuj kaleham za toje, što nam udałosia dajści da hetaha momantu. Dla Małdovy Jeŭropa — samy jasny i krasamoŭny vobraz».
Kiraŭnik Jeŭrapiejskaj kamisii Žaze Manueł Barozu dadaŭ: «Heta honar dla ES - padtrymać Hruziju, Ukrainu i Małdovu ŭ demakratyčnych pracesach. Pahadnieńnie, padpisanaje siońnia, - samy ambicyjny dakumient, kali-niebudź jaki padpicvajecca Jeŭrasazam. ES dapamoža krainam ukaraniać reformy. Hetyja krainy pavinny kantaktavać z parłamientami i hramadstvam, kab supracoŭnictva zaručyłasia padtrymkaj znutry i kab hety praces staŭ niezvarotnym. Važna zmahacca z karupcyjaj, my nie šukajem ekskluziŭnaha partniorstva, my vierym u demakratyju. Hetyja Damovy — nie kančatkovaja kropka ŭ supracoŭnictvie pamiž hetymi krainami i ES, heta pačatak novaha sumiesnaha padarožža».
Ciapier čytajuć
Na «hulni Mackieviča» nie było Cichanoŭskaj, Łatuški, Cichanoŭskaha. Babaryka i Kaleśnikava adjazdžali, ale viarnulisia4
Na «hulni Mackieviča» nie było Cichanoŭskaj, Łatuški, Cichanoŭskaha. Babaryka i Kaleśnikava adjazdžali, ale viarnulisia
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary