Na nastupnym tydni ŭ Biełarusi -- śnieh i zavirucha.
U apošnija dni ŭ Biełarusi ŭstalavaŭsia zimovy charaktar nadvorja. Siaredniesutačnaja tempieratura pavietra ŭ asnoŭnym vahajecca ad minus 3 hradusaŭ na ŭschodzie da plus 3 hradusaŭ na zachadzie krainy, što na 1-3 hradusy nižej siarednich šmathadovych značeńniaŭ dla hetaj pary hodu. U niekatorych rajonach vyšynia śnieha dasiahaje 10 sm.
Pavodle hałoŭnaha sinoptyka Respublikanskaha hidramieteacentra Volhi Fiadotavaj, u subotu, 10 listapada, pad uzdiejańniem atmaśfiernych frantoŭ, što iduć na terytoryju Biełarusi, čakajucca apadki ŭ vyhladzie mokraha śnieha i daždžu. Dniom u Homielskaj vobłaści apadki buduć mocnymi. U asobnych rajonach – tuman, pa ŭschodniaj pałovie krainy – słaby hałalod. Tempieratura pavietra ciaham sutak składzie ad minus 2 da plus 4 hradusaŭ.
U niadzielu i paniadziełak paŭdniovy cykłon, što idzie z Ukrainy na poŭnač, stvoryć u Biełarusi składanyja umovy. 11 listapada na ŭschodzie, a 12 listapada miescami pa terytoryi krainy čakajecca mocny śnieh. U asobnych rajonach zavirucha, na darohach źjaviacca śniežnyja zanosy. Tempieratura pavietra nočču składzie ad 4 maroza da 1 hradusa ciapła. Dniom jana budzie vahacca ad minus 3 da plus 3 hradusaŭ.
Pavodle papiarednich prahnozaŭ sinoptykaŭ, hetki charaktar nadvorja ŭ Biełarusi pratrymajecca da 15 listapada. Unačy tempieratura pavietra składzie 1-6 hradusaŭ nižej nula, pry prajaśnieńniach da minus 10 hradusaŭ. Dniom čakajecca ad minus 4 da plus 1 hradusa
Ciapier čytajuć
Sprava Softkłuba: zatrymany patryjarch biełaruskaha IT Uładzimir Sirotka i niekalki top-mieniedžaraŭ. Jany padaryli nam ARIP15
Kamientary