Śpikier Antyterarystyčnaj apieracyi (ATA) Uładzisłaŭ Sielaźnioŭ paviedamiŭ, što terarystam u Daniecku vystaŭleny ŭltymatum: abo jany zdaducca, abo buduć źniščanyja z vysokadakładnaj zbroi.
Pra heta Sielaźnioŭ zajaviŭ na bryfinhu.
Sielaźnioŭ raspavioŭ pra situacyju ŭ Daniecku. Pavodle jaho słoŭ, ranicaj 26 maja, a mienavita ŭ 4.30, kala 200 bajevikoŭ, siarod jakich byli zamiežniki, zachapili aeraport. Paśla hetaha kiraŭnictva ATA vystaviła bajevikam ultymatum ab kapitulacyi. Tym, chto hatovy skłaści zbroju, kiraŭnictva ATA harantavała biaśpieku.
«Adnak bajeviki nie pryniali našy ŭmovy.
Tamu byli pačaty dziejańni pa źniščeńni terarystaŭ. Była ŭžytaja avijacyja. I terarysty, jakija znachodzilisia ŭ terminale aeraporta, byli źniščany abo raśsiejany. My majem raźvieddanyja ab usich abjektach, dzie znachodziacca bajeviki. Ciapier mnie viadoma, što
vystaŭleny jašče adzin ultymatum: u vypadku, kali bajeviki nie zdaducca, pa hetych abjektach budzie naniesieny ŭdar z užyvańniem vysokadakładnaj śpiecyjalnaj zbroi», — skazaŭ Sielaźnioŭ.
Pry hetym jon padkreśliŭ, što ŭkrainskija siłaviki nie vajujuć z cyvilnym nasielnictvam i nie dapuściać, kab u chodzie likvidacyi terarystaŭ paciarpieli cyvilnyja.
Taksama Sielaźnioŭ abvierh raspaŭsiudžanuju ŭ Internecie infarmacyju pra śmierci cyvilnych asob u Daniecku ad zbroi ŭkrainskich siłavikoŭ.
Razam z tym jon adznačyŭ, što siarod terarystaŭ jość zamiežnyja najmity, u tym liku i vychadcy z Kaŭkaza. U toj ža čas Sielaźnioŭ skazaŭ, što nie moža śćviardžać, ź jakoha mienavita rehijona Kaŭkaza hetyja najmity i ci źjaŭlajucca jany čačencami.
Ciapier čytajuć
Rasijski pradaviec paśpiachovaha pośpiechu pasprabavaŭ adkryć filijał u Minsku. Reakcyja biełarusaŭ była pakazalnaj6
Rasijski pradaviec paśpiachovaha pośpiechu pasprabavaŭ adkryć filijał u Minsku. Reakcyja biełarusaŭ była pakazalnaj
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić3333
Kamientary