Siońnia Alaksandr Łukašenka zrabiŭ nievialikija pieratasoŭki ŭ Kamitecie dziaržaŭnaj biaśpieki. Hienierał-major Ihar Kuźniacoŭ adpraŭleny ŭ adstaŭku z pasady načalnika ŭstanovy adukacyi «Instytut nacyjanalnaj biaśpieki RB». Zvolnieny pa ŭzroście (sioleta jamu spoŭniłasia 60 hadoŭ).
Skandalnuju słavu Ihar Kuźniacoŭ zasłužyŭ, kali ŭznačalvaŭ KDB pa Minsku i Minskaj vobłaści. Mienavita ź jaho padačy byli zaviedzienyja kryminalnyja spravy suprać mnohich maładafrontaŭcaŭ.
Voś što zhadvaje pra Ihara Kuźniacova były načalnik KDB Frunzienskaha rajona Minska Alaksandr Bahanioŭ:
«Prydzirki da mianie asabliva ŭzmacnilisia, kali ŭpraŭleńnie KDB pa Minskaj vobłaści ŭznačaliŭ Kuźniacoŭ, taksama rasijanin. Jon prajšoŭsia tankam pa «Maładym froncie». I vielmi hetym hanarycca».
Zrešty, zamienić u Instytucie nacyjanalnaj biaśpieki Kuźniacova nie mienš adyjozny Ivan Korž, jaki ŭznačalvaŭ Homielskaje, a paśla Hrodzienskaje KDB. Homielski pieryjad pracy Ivana Karža zapomniŭsia šmatlikimi viarboŭkami aktyvistaŭ apazicyi. Ni da taho, ni paśla ŭ presie nie źjaŭlałasia stolki infarmacyi.
Kali ŭ Homielskaj vobłaści razharełasia «palaŭničaja sprava» suprać milicyjantaŭ, to byli praviedzienyja pieratrusy ŭ žurnalistak: Kalinkinaj, Koktyš, Radzinaj, Chalip. Pieratrusy pravodzilisia ŭ spravie «abrazy Ivana Karža». Zrešty, ničoha nie znajšli.
U Hrodnie pry Karžu adbyvałasia ckavańnie žurnalista Andreja Pačobuta, jaki dvojčy apynaŭsia ŭ turmie pa artykule «Abraza prezidenta».
Hod nazad u Hrodzienskaj vobłaści z navodki KDB ekstremisckim byŭ pryznany fotaalbom «Biełaruś Pres-Fota». Paźniej heta budzie kaštavać licenzii vydaviectvu «Łohvinaŭ».
Kiraŭnikom KDB pa Hrodzienskaj vobłaści pryznačany padpałkoŭnik Alaksandr Cierachaŭ.
Ciapier čytajuć
U Minsku pamior adzin z samych viadomych zabojcaŭ Rasii. Jon žyŭ pad čužym imieniem i staŭ piśmieńnikam-fantastam6
Kamientary