Alaksandr Łukašenka zaprašaje pradstaŭnikoŭ jeŭrapiejskich dziełavych kołaŭ da realizacyi inviestprajektaŭ u Biełarusi. Z takoj prapanovaj kiraŭnik dziaržavy vystupiŭ siońnia na sustrečy z pradstaŭnikami dziełavych kołaŭ Šviejcaryi.
Alaksandr Łukašenka padkreśliŭ, što pryciahnieńnie zamiežnych inviestycyj na bazie samych sučasnych technałohij - adzin z važniejšych napramkaŭ ekanamičnaj palityki biełaruskaj dziaržavy. «U nas jość šmat pierśpiektyŭnych inviestycyjnych prajektaŭ, jakija my zacikaŭleny realizavać z udziełam zamiežnaha kapitału. U pieršuju čarhu heta datyčycca farmaceŭtyčnaj pramysłovaści, chimičnaj vytvorčaści, inšych śfier dziejnaści, u tym liku tych, jakija vy tut pradstaŭlajecie», - skazaŭ kiraŭnik dziaržavy, źviartajučysia da biźniesmienaŭ.
Łukašenka vykazaŭ nadzieju, što heta razmova vyljecca ŭ novyja kankretnyja napramki supracoŭnictva Biełarusi z partniorami sa Šviejcaryi, Hiermanii, Polščy abo luboj inšaj krainy śvietu.
Źviartajučysia da staršyni nahladalnaha savieta, hienieralnaha dyrektara kampanii «Štadler Rejł Hrup» Pietera Špulera, jaki ŭznačalvaje delehacyju pradstaŭnikoŭ dziełavych kołaŭ Šviejcaryi, što prybyła ŭ Biełaruś, Alaksandr Łukašenka vykazaŭ nadzieju, što paśpiachovaja rabota «Štadler Rejł Hrup» u Biełarusi pasłužyć dobrym prykładam dla prychodu siudy bujnych kampanij.
Łukašenka nahadaŭ, što hałoŭnym śviedčańniem plonnaha supracoŭnictva z hetaj kampanijaj źjaŭlajecca realizujemy ŭ Fanipali prajekt budaŭnictva zavoda pa vytvorčaści čyhunačnaha i haradskoha elektratranspartu. Pavodle słoŭ kiraŭnika dziaržavy, usiaho kala dvuch hadoŭ spatrebiłasia dla taho, kab praktyčna z nula pabudavać adzin z samych sučasnych zavodaŭ pa vypusku čyhunačnaha pasažyrskaha transpartu na terytoryi SND. «Niadaŭna ja padpisaŭ ukaz, u adpaviednaści ź jakim Fanipalu nadajecca status horada-spadarožnika Minska. Ja ŭpeŭnieny, što hety fakt pazityŭna paŭpłyvaje i našu z vami ahulnuju spravu», - skazaŭ kiraŭnik dziaržavy, źviartajučysia da Pietera Špulera.
Alaksandr Łukašenka padkreśliŭ, što hatovy vysłuchać prapanovy pa raźvićci supracoŭnictva ŭ samych roznych halinach.
Vizit u Biełaruś pradstaŭnikoŭ dziełavych kołaŭ Šviejcaryi prachodzić z 22 pa 26 maja.
Kamientary