Druhuju pieramohu zapar atrymała zbornaja Biełarusi pa chakiei na čempijanacie śvietu pa chakiei ŭ Minsku.
Našy chłopcy vydali sapraŭdy krutuju hulniu sa Šviejcaryjaj, jakaja da hetaha mieła dźvie parazy. Letaś šviejcarcy byli druhimi na čempijanacie śvietu ŭ Šviecyi.
Našy adkryli lik u mienšaści – adznačyŭsia Siarhiej Kaścicyn. U matčy z Kazachstanam biełarusy taksama zabivali, kali mieli na adnaho hulca mieniej. Adnak užo ŭ nastupnaj atacy alpijcy zraŭnuli lik. A naprykancy pieršaha pieryjada navat vyjšli napierad.
U druhoj častcy hulni Andrej Staś zrabiŭ ličby roŭnymi – 2:2. Varta adznačyć, što matč byŭ nasamreč roŭnym. Było niemahčyma addać pieravahu adnoj z kamand.
U trecim pieryjadzie Frajdeva vyvieŭ haściej napierad. I tady słova skazaŭ lidar biełarusaŭ Michaił Hraboŭski, jaki spačatku addaŭ filihrannuju pieradaču na Siarhieja Kaścicyna, a potym zakinuŭ sam – 4:3.
Nastupny matč našy praviaduć 15 maja suprać Finlandyi. Pačatak a 20:45.
Biełaruś – Šviejcaryja – 4:3 (S.Kaścicyn, 5, 49, Staś, 23, Hraboŭski, 57 – Viebier, 6, Šepi, 18, Frojdeva, 43).
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie28
Kamientary