Alaksandr Łukašenka škaduje, što ŭ savieckija hady Biełaruś zdabyvała na svajoj terytoryi pa 9 młn ton nafty ŭ hod, jakija mahła b vykarystoŭvać u pieryjad niezaležnaści.
«My nastolki byli sumlennyja i spraviadlivyja (…), što my vypampoŭvali ŭsio — dziela zorački na łackanie, dziela čahości. Nu chto nas tady hnaŭ u šyju pampavać z našych nietraŭ pa 9 młn ton ź lišnim nafty štohod? Našto?» — zajaviŭ Alaksandr Łukašenka 22 krasavika, źviartajučysia z pasłańniem da biełaruskaha naroda i nacyjanalnaha schodu.
«Usio było narmalna, nie — vyciahnuli. Siońnia z napruhaj krychu bolš za 1,5 młn ton tolki možam zdabyć» [nafty ŭ Biełarusi].
«A kali b u nas siońnia było našych tych 9 młn ton, my b kamuści kłanialisia pry našaj unutranaj patreby mienš jak 7 młn ton? My b žyli, nikomu nie kłaniajučysia, i žyli b cudoŭna», — narakaŭ Łukašenka.
«Ale takija my byli — savieckimi, dobrymi, prystojnymi. Žyli i dumali, što tak budzie zaŭždy».
«Chapała nafty. My cełyja horady ŭ Rasii budavali, pa-mojmu, ciapier u «Łukojła» hetyja radoviščy, jakija my asvojvali», — zaŭvažyŭ jon.
Ciapier čytajuć
Hałoŭnym śpikieram Žanočaha forumu ŭ Minsku stanie rasijski kryndžovy psichołah, jaki raskazvaŭ pra «pamiać žanočych pałavych hub»10
Kamientary