Čempijanat pa chakiei: studenty BDU — na hulni Kazachstana, BNTU — na Italiju?
Nie zachočuć studenty nabyvać kvitki na hulni chakiejnaj zbornaj Kazachstana, prymušać nikoha nie buduć — abiacajuć čynoŭniki.
«Jość papiera, jakaja infarmuje rektaraŭ VNU, što jość kvitki na čempijanat, prapanujuć nabyvać. A chto zachoča, chto nie — heta sprava kožnaj VNU», — raskazvajuć Jeŭraradyjo u Ministerstvie adukacyi.
Kvitki abiacajuć na paŭfinały, a voś nakont finału skazać nie mohuć. Raniej tut.by paviedamiŭ, što Minadukacyi padrychtavała «płan pa zapaŭnieńni miescaŭ na čempijanacie», kab niatopavyja kamandy nie hulali pry pustych trybunach.
Źviartajemsia za kvitkami ŭ prafkamy univiersitetaŭ. Tut nam adrazu abiacajuć Čechiju za 50 tysiač rubloŭ!
«Kvitki buduć zakuplać, ale pakul ich niama. Ciapier zaklučajucca damovy. Kaštujuć 50 tysiač rubloŭ. Nie viedaju na jakija matčy, ale rektar abiacaŭ i na Čechiju, i na Rasiju, i na Biełaruś. Jany buduć, moža, praz fakultety raspradavacca», — raskazvajuć u prafkamie BDU. Prymusova abiacajuć nie zahaniać.
Prafkam Biełaruskaha nacyjanalnaha techničnaha ŭniviersiteta abiacaje matčy, na jakija zastanucca kvitki.
«Univiersitet apłačvaje pałovu koštu. Matčy tyja, na jakija jašče jość kvitki, bo niešta ž užo raskupili», — tłumačać mnie ŭ prafkamie.
A raskupili miescy na finał i hulniu Biełaruś-ZŠA, padličvajuć u Dyrekcyi pa praviadzieńni čempijanatu.
«Kvitki jość na ŭsie matčy, akramia finału. Na hulni z Rasijaj i Biełaruśsiu — na niekatoryja matčy jość, ale niama kvitkoŭ na adkryćcio Biełaruś-ZŠA. Amal usio pradadziena na hulni z Rasijaj, akramia matča Rasija-Kazachstan», — padsumoŭvajuć u Dyrekcyi.
Ale tolki na pałovu i na tracinu zapoŭnienyja miescy na hulni Kazachstana, Italii i Francyi. Košt kvitkoŭ ad 90 da 600 tysiač rubloŭ.
Va Univiersitecie fizkultury mnie samomu nahadvajuć, što jany mieściacca «niedaloka ad areny» i hatovyja na ŭsio.
«Kvitki jašče nie vymali z prodažu. Bližej da kanca, to viadoma, my ž bližejšyja susiedzi. Spadziajemsia, nas nie pakryŭdziać», — kažuć u hetaj VNU.
Na hałoŭnaj placoŭcy čempijanatu, «Minsk-arenie», bolš za 15 tysiač miescaŭ. I tolki ŭ adnym BDU navučajecca kala 40 tysiač studentaŭ. Usim nie chopić!
Čempijanat śvietu pa chakiei, nahadajem, projdzie ŭ Minsku z 9 pa 25 traŭnia, u studentaŭ vakacyj u hety čas nie budzie.
Apytanka
-
Cichanoŭskaja zaklikała Estoniju pravodzić roźnicu pamiž biełarusami i rasijanami
-
Anžalicy Mielnikavaj vydali pašpart prykryćcia na imia Anhieliny Radzivonavaj?
-
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ
Ciapier čytajuć
Anžalicy Mielnikavaj vydali pašpart prykryćcia na imia Anhieliny Radzivonavaj?13
Kamientary