Prakapovič i Miaśnikovič «nie zmohuć pryjści» na forum pradprymalnikaŭ
Prakapovič i Miaśnikovič admovilisia ad sustrečy ź IP na forumie pradprymalnikaŭ, što pačniecca ŭ Minsku 7 krasavika. Pra heta paviedamiŭ staršynia savieta RHA «Pierśpiektyva» Anatol Šumčanka.
«Forum pačniecca 7 krasavika ŭ 12:00 u vialikaj zale ŭradavaha budynka na vulicy Miaśnikova 39. Zała raźličanaja na 438 miescaŭ. Małavierahodna, što tam buduć pradstaŭniki ŭłady. Ministerstva pa padatkach i zborach skazała, što jaho pradstaŭniki nie mohuć pryjści, a Miaśnikovič i Prakapovič tym bolš. Ź Dziaržstandartam, Departamientam pradprymalnictva i Minhandlem pakul nieviadoma », — adznačyŭ jon.
Staršynia «Pierśpiektyvy» dadaŭ, što na mierapryjemstvie budzie abmiarkoŭvacca prajekt ukaza ab pracy indyvidualnych pradprymalnikaŭ z 1 lipienia 2014 hoda, jaki Łukašenka rasparadziŭsia raspracavać i ŭkaranić.
« Hałoŭnyja prablemy — heta siertyfikaty i supravadžalnyja dakumienty. Na forumie buduć pradprymalniki z rehijonaŭ i Minska, jakija buduć vykazvacca, zadavalniaje ich heta ci nie. Ale zrazumieła, što bolšaść IP Biełarusi suprać hetych novaŭviadzieńniaŭ », — padkreśliŭ Anatol Šumčanka.
Nahadajem, indyvidualnyja pradprymalniki krytykujuć prajekt ukaza «Ab niekatorych pytańniach realizacyi tavaraŭ indyvidualnymi pradprymalnikami i inšymi fizičnymi asobami». U pryvatnaści, jany prosiać nie ŭvodzić normu ab abaviazkovych supravadžalnych dakumientach dla IP, bo na siońnia heta nievykanalnaje patrabavańnie.
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie5050
Kamientary