Specyjalisty z daśledčyckaj hrupy Global Firepower skłali śpis 106 krainaŭ pavodle ŭzroŭniu ich bajavoj mahutnaści. Pieršyja try miescy zajmajuć ZŠA, Rasieja i Kitaj.
Śpis składajecca pavodle bolš jak 50 parametraŭ, jakija dazvalajuć kompleksna acanić vajskovuju mahutnaść krainaŭ. U raźlik nie biarecca jadzierny patencyjał. Indeks vyličvajecca na padstavie acenki zvyčajnych vajennych uzbrajeńniaŭ, raźmieščanych na ziamli, na mory i ŭ pavietry. Karektyroŭki (bonusy abo minusy) pravodziacca pavodle dadatkovych kryteraŭ, naprykład, vysokaha abo nizkaha ŭzroŭniu spažyvańnia haručaha.
Top-10 najbolš mahutnych krain:
1. ZŠA
2. Rasieja
3. Kitaj
4. Indyja
5. Vialikabrytanija
6. Francyja
7. Niamieččyna
8. Turcyja
9. Paŭdniovaja Kareja
10.Japonija
Biełaruś zajmaje 52-ju pazycyju pamiž Rumynijaj i Partuhalijaj. Pavodle źviestak Global Firepower, u Biełarusi štohod pryzyŭnaha ŭzrostu dasiahajuć 100 615 junakoŭ, u armii prachodziać słužbu 62 000, u rezervie znachodziacca 290 000, usiaho vajskovaabaviazanych 3 706 027 čałaviek. U Biełarusi 1756 tankaŭ, 2321 braniravanych bajavych mašyn, 180 samalotaŭ, 56 viertalotaŭ. Biudžet abarony składaje 750 miljonaŭ dalaraŭ na hod (dla paraŭnańnia: ŭ Rasiei — 76,6 miljardaŭ).
Ukraina zajmaje 21 radok. Admietna, što susiedka Biełarusi — Litva, jakaja ŭvachodzić u NATO, maje armiju z 15 tysiač vajskoŭcaŭ i tracić na abaronu 430 miljonaŭ dalaraŭ. Litva znachodzicca amal u samym kancy śpisu — na 103 miescy sa 106.
Śpis składajecca specyjalistami pad ehidaj adnaho z najstarejšych brytanskich universytetaŭ Śviatoha Endru (University of St Andrews).
Publikacyju na sajcie supravadžaje epihraf Bertrana Raseła, brytanskaha matematyka, filozafa, laŭreata Nobeleŭskaj premii pa litaratury: «Vajna nie vyrašaje, chto maje racyju, tolki toje, chto zastaniecca».
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy41
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca1414
Kamientary