Premjer-ministr Ukrainy Arsienij Jacaniuk nie vyklučaje, što košt rasijskaha hazu dla Ukrainy z 1 krasavika składzie $500 za 1 tys kub m.
«Ź pieršaha krasavika Rasija z-za taho, što jana ažyćciaviła ŭzbrojenaje rabavańnie Ukrainy i takim čynam faktyčna źniščyła našy dvuchbakovyja damovy, choča ŭźniać canu dla Ukrainy na haz faktyčna ŭ dva razy. Havorka idzie pra košt kala 500 dalaraŭ za tysiaču kubičnych mietraŭ», — zajaviŭ jon u pramym efiry telekanała «1 +1» u piatnicu viečaram.
Pry hetym kiraŭnik urada adznačyŭ, što Ukraina nie moža admovicca ad kupli hazu ŭ RF pa takoj canie, «tamu što za apošnija niekalki hadoŭ ničoha nie było zroblena ŭ płanie dyviersifikacyi pastavak enierhanośbitaŭ».
«My zastajemsia na tym, što nam usio roŭna daviadziecca zakuplać u Rasii pa $500 za tysiaču kubamietraŭ značnuju častku hazu», — padkreśliŭ Jacaniuk.
Pavodle jaho słoŭ, RF «naŭmysna padymaje bieź jakich-niebudź padstaŭ udvaja canu na haz dla taho, kab padniać u pieršuju čarhu ceny dla nasielnictva».
«Nam treba rychtavacca da ŭźniaćcia koštaŭ na enierhanośbity. Zaraz ja raspracoŭvaju schiemu, jakim čynam my budziem heta rabić… My dumajem pra toje, jak nie pavyšać ceny dla małazabiaśpiečanych «, — skazaŭ premjer.
Viarnuŭšysia da pytańnia ab dyviersifikacyi pastavak enierhanośbitaŭ, jon zhadaŭ reviersny patok hazu z krain ES.
«Ale dla taho, kab hety reviers zabiaśpiečyć, nieabchodna rašeńnie adnoj krainy — člena Jeŭrapiejskaha Sajuza, jakaja, na vialiki žal, maje taksama značnuju zaležnaść ad Rasii, i Rasija ciśnie taksama i na krainy — členy ES. Kali my damožamsia taho, kab reviers usio ž taki adbyŭsia, cana na toj jeŭrapiejski haz budzie na $100-150 mieniej, čym cana rasiejskaha hazu», — adznačyŭ Jacaniuk.
U toj ža čas, pavodle jaho słoŭ, «Rasija ab hetym viedaje i tamu dalej budzie cisnuć».
«Tamu ŭ płanach ŭrada pavieličeńnie ŭłasnaj zdabyčy: kali my inviestujem va ŭłasnuju zdabyču, dadatkova my možam pavialičyć abjomy na 30%».
Akramia taho, premjer zajaviŭ ab namiery «pavialičvać elektraenierhietyku ŭ enierhietyčnym składniku». Jon taksama nahadaŭ ab mahčymaści zdabyčy słancavaha hazu «pry zachavańni ŭsich ekałahičnych normaŭ».
«Ci možna heta zrabić za dzień? Nielha. Ci treba heta rabić užo ciapier? Tak — heta treba było rabić užo pazaŭčora», — reziumavaŭ Jacaniuk.
Ciapier čytajuć
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz6464
Kamientary