Patryjarch Kirył paabiacaŭ vykanać prośbu pradstajaciela Ukrainskaj pravasłaŭnaj carkvy Maskoŭskaha patryjarchatu Anufryja, jaki prasiŭ kiraŭnika RPC vykarystać svoj upłyŭ, kab nie dapuścić krovapralićcia na Ukrainie. Adkaz Kiryła apublikavany na sajcie Maskoŭskaha patryjarchatu.
«Adkazvajučy na Vaš zvarot, darahi Uładyka, zapeŭnivaju Vas i našu ŭkrainskuju pastvu ŭ tym, što zrablu ŭsio mahčymaje, kab pierakanać usich tych, u čyich rukach znachodzicca ŭłada, što nielha dapuścić hibieli mirnych ludziej na darahoj dla majho serca ziamli Ukrainy», — napisaŭ, u pryvatnaści, Kirył.
Kiraŭnik RPC taksama dadaŭ, što paziraje na toje, što adbyvajecca na Ukrainie «sa smutkam, tryvohaj i bolem». «Niachaj Haspodź spynić lubuju ruku, padniatuju z namieram pryčynić bol i pakuty, i dabrasłavić tych, chto adstojvaje śviet. Chaj nie dapuścić Jon, Usiamiłaścivy Baćka naš, kab brat pajšoŭ na brata, kab praciahnuŭsia hvałt, kab źniavažylisia śviatyni. Chaj nie budzie bolš achviar na ŭkrainskaj ziamli», — havorycca ŭ zajavie.
U kancy svajho zvarotu patryjarch Kirył zaklikaŭ usich chryścijan daravać i zrazumieć adzin adnaho ŭ Daravalnuju niadzielu. «Hospadzie, błasłavi narod Tvoj i zachavaj ad usiakaha zła kožnaha, chto žyvie na ŭkrainskaj ziamli!», — napisaŭ kiraŭnik RPC.
18‑hadovy kursant Vajskovaj akademii ź Lachavič nikomu ničoha nie skazaŭ, zabraŭ dakumienty i pajechaŭ vajavać za Rasiju. Ciapier pa im płačuć48
Kamientary