Mer Lvova: Samaabarona spyniła sprobu pravakataraŭ atakavać rasijskaje konsulstva
Mer Lvova Andrej Sadovy zaklikaŭ žycharoŭ horada da dziejańniaŭ z metaj praduchileńnia scenara destabilizacyi situacyi.
Pra heta jon napisaŭ na svajoj staroncy ŭ Fejsbuku.
Pavodle jaho źviestak, za noč udałosia pieraduchilić sproby napadaŭ na handlovyja centry, rasijskaje konsulstva, Sychoŭskuju rajonnuju administracyju, teleradyjokampaniju na Vysokim zamku i ceły šerah drobnych incydentaŭ.
U aftalmałahičny balnicy, dzie pravodziać apieracyi na vačach paranienym aktyvistam, nieviadomyja paškodzili elektraščyt i spynili elektrazabieśpiačeńnie. Nazaŭtra paškodžańni byli likvidavanyja.
Mer padziakavaŭ usim, chto prymaŭ udzieł u načnych patruli (dobraachvotniki municypalnaj družyny, śviatary, Samaabarona, Aŭtamajdan, Varta1, afhancy, spartsmieny i inšyja).
Jon, adnak, adznačyŭ, što rassłablacca nielha. «Vidavočna, što realizujecca čužoj scenar na destabilizacyju situacyi ŭ Lvovie».
Sadovy zaklikaŭ baćkoŭ zabrać małaletnich dziaciej z vulic, aktyvistaŭ - pazdymać maski.
«Usim darosłym mužčynam, jakija chočuć dałučycca da dobraachvotnym municypalnych družyn, źviartajciesia ŭ rajonnyja štaboŭ pa biaśpiecy pry administracyjach. Nikomu, akramia nas samich, paradak i biaśpieku ŭ Lvovie nie patrebnyja», - adznačyŭ mer.
Taksama jon vydaŭ «apošniaje papiaredžańnie ułaśnikam mahazinaŭ»: «Kali budzie choć adzin fakt prodažu ałkaholu paśla 22:00 abo prodažu śpirtnoha niepaŭnaletnim, ja vydam rasparadžeńnie ab poŭnaj zabaronie prodažu ałkaholu ŭ horadzie», — papiaredziŭ mer.
Ciapier čytajuć
Što za Dźmitryj Skindzieraŭ, jaki abviaściŭ vajnu Cichanoŭskaj? Supracoŭnictva z HUBAZiKam, daŭhi ŭ Biełarusi, daŭhi ŭ Litvie38
Kamientary