Miaśnikovič, mahčyma, palacić u Prahu na pazačarhovy samit Uschodniaha Partniorstva
Udzieł premjer-ministra Biełarusi Michaiła Miaśnikoviča ŭ krasavickaj sustrečy na vyšejšym uzroŭni krain — udzielnic Uschodniaha Partniorstva ŭ Prazie pakul aficyjna nie paćviardžajecca.
«Na hety momant takuju infarmacyju nie paćviardžaju. U płanach u nas pakul ničoha nie staić», — zajaviła pres-sakratar kiraŭnika ŭrada Volha Doŭhaja.
14 lutaha ŭkrainskija ŚMI sa spasyłkaj na śpiecyjalnaha pasłanca pa pytańniach Uschodniaha Partniorstva MZS Čechii Pietara Maraša paviedamili, što 23—24 krasavika Prahu naviedaje prezident Ukrainy Viktar Janukovič, jaki ŭ tym liku voźmie ŭdzieł u samicie, pryśviečanym prahramie «Uschodniaje Partniorstva».
Pavodle słoŭ Maraša, u samicie taksama voźmuć udzieł prezidenty Armienii, Azierbajdžana, Hruzii, Małdovy, premjer-ministr Biełarusi, pradstaŭniki kiraŭnictva Jeŭrasajuza, Šviecyi, Polščy, jak inicyjataraŭ Uschodniaha Partniorstva, i Hrecyi, jakaja staršynstvuje ŭ ES.
Varta adznačyć, što samity Uschodniaha Partniorstva pravodziacca raz u dva hady. Pieršy adbyŭsia ŭ 2009 hodzie ŭ Prazie. U 2011 hodzie samit prajšoŭ u Varšavie, u 2013-m — u Vilni. Nastupny samit UP projdzie ŭ 2015 hodzie ŭ Ryzie.
Mierapryjemstva ŭ krasaviku češski ŭrad naładžvaje z nahody piacihodździa z momantu praviadzieńnia pieršaha samitu Uschodniaha Partniorstva.
Ciapier čytajuć
Na «hulni Mackieviča» nie było Cichanoŭskaj, Łatuški, Cichanoŭskaha. Babaryka i Kaleśnikava adjazdžali, ale viarnulisia4
Na «hulni Mackieviča» nie było Cichanoŭskaj, Łatuški, Cichanoŭskaha. Babaryka i Kaleśnikava adjazdžali, ale viarnulisia
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary