Charyzma pieršaha prezydenta blaknie
Padajuć dola prychilnikaŭ ułady i asabisty rejtynh Alaksandra Łukašenki. Ale tytulnaj apazycyi rana tryjumfavać. Piša ŭ svaim błohu Alaksandar Kłaskoŭski.
Na sajcie NISEPD — žmienia novych artykułaŭ pa vynikach śviežaha apytańnia. Budzie čas — pakorpajemsia ŭ detalach, a pakul što hałoŭnaje.
Ź letašniaha listapada dola prychilnikaŭ ułady spaŭzła z 47,8% da 42%. Rejtynh Alaksandra Łukašenki źniziŭsia da 44,9% (sioleta ŭ traŭni było 48%, a letaś u krasaviku, adrazu paśla vybaraŭ — 60,3%).
Što da apazycyjaneraŭ, to, pry ŭsich zakidach, pa-raniejšamu na dźvie hałavy vyšejšy za astatnich Milinkievič — 12,3%. Kazulin nabiraje 3,2%, astatnija — u miežach statystyčnaj pamyłki. Uvohule ž lideram tytulnaj apazycyi rana radavacca. Raściarušvańnie "ćviordaha elektaratu" amal što nie prymnožyła šerahi praciŭnikaŭ režymu: paboleła tych, kaho nazyvajuć "pafihistami".
I jašče adzin krasamoŭny symptom: pry tym što charyzma pieršaha prezydenta blaknie, u hramadztvie pa-raniejšamu prahnuć mocnaj ruki. 54,6% apytanych ličać, što dziejač takoha kštałtu zdolny dać krainie bolej, čym dobryja zakony.
Dačakajemsia čorta z tabakierki?
ZY. Tolki nie zakidajcie, što voś, znoŭ hety NISEPD:) Chto padkaža inšuju instytucyju, jakaja rehularna daje vyniki ahulnanacyjanalnych apytańniaŭ u adkrytym dostupie?
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie28
Kamientary