Biełaruski futbalist Vital Kutuzaŭ staŭ hałkipieram chakiejnaj kamandy ŭ Italii
Były forvard zbornaj Biełarusi Vital Kutuzaŭ, jaki atrymaŭ dyskvalifikacyju na 3 hady i 6 miesiacaŭ za dačynieńnie da damoŭnych matčaŭ u Italii, vyrašyŭ zaniacca chakiejem i staŭ hałkipieram chakiejnaj amatarskaj kamandy «Siesta-San-Džavani».
Nahadajem, fiederacyja futboła Italii raniej abviaściła ab dyskvalifikacyi 20 futbalistaŭ, zamiašanych u spravie ab arhanizacyi damoŭnych matčaŭ. U hety śpis trapiŭ i biełaruski forvard Vital Kutuzaŭ.
Usie pakaranyja hulcy prachodzili pa spravie ab matčach «Bary » suprać «Treviza» (0:1, maj 2008 hoda) i «Salernitany» (2:3, maj 2009 hoda). Usie futbalisty pryznanyja vinavatymi albo ŭ arhanizacyi damoŭnych matčaŭ, albo ŭ admovie ab infarmavańni futbolnych orhanaŭ i palicyi ab padrychtoŭcy takich hulniaŭ. Bolšaja častka futbalistaŭ atrymała dyskvalifikacyi na termin bolš za 3 hady, niekatoryja — na termin mienš za hod.
Kamientary