Juryst hazety «Biełorusy i rynok» Siarhiej Bałykin nakiravaŭ skarhu ŭ Centravybarkam, dzie jon vykazvaje niazhodu z tym, što vybarčyja biuleteni nadrukavanyja tolki pa-biełarusku. Heta, na jaho dumku, moža pieraškodzić zrabić pravilny vybar vybarcam, jakija nie razumiejuć biełaruskaj movy: «Ujavim, što čałaviek nia viedaje biełaruskich nazvaŭ miesiacaŭ, a choča prahałasavać za kandydata, zychodziačy ź jaho (…) haraskopu. Moža być, heta i hłupstva, ale heta prava vybarščyka. Atrymlivajecca, što adroźnieńni ŭ biełaruskaj i rasiejskaj movach mohuć pryvieści da pamyłak u hałasavańni». A z hetaha, pa jaho słovach, vynikaje, što rasiejskamoŭnyja hramadzianie Respubliki Biełaruś abmiežavanyja ŭ realizacyi svajho vybarčaha prava.
Juryst hazety «Biełorusy i rynok» Siarhiej Bałykin nakiravaŭ skarhu ŭ Centravybarkam, dzie jon vykazvaje niazhodu z tym, što vybarčyja biuleteni nadrukavanyja tolki pa-biełarusku. Heta, na jaho dumku, moža pieraškodzić zrabić pravilny vybar vybarcam, jakija nie razumiejuć biełaruskaj movy: «Ujavim, što čałaviek nia viedaje biełaruskich nazvaŭ miesiacaŭ, a choča prahałasavać za kandydata, zychodziačy ź jaho (…) haraskopu. Moža być, heta i hłupstva, ale heta prava vybarščyka. Atrymlivajecca, što adroźnieńni ŭ biełaruskaj i rasiejskaj movach mohuć pryvieści da pamyłak u hałasavańni». A z hetaha, pa jaho słovach, vynikaje, što rasiejskamoŭnyja hramadzianie Respubliki Biełaruś abmiežavanyja ŭ realizacyi svajho vybarčaha prava.
Vybarčyja biuleteni nadrukavanyja pa-biełarusku dziakujučy vysiłkam HA «Tavarystva biełaruskaj movy». Tamu pa kamentary my źviarnulisia da jaho staršyni Aleha Trusava.
Najpierš sp.Trusaŭ padziakavaŭ staršyni CVK Lidzii Jarmošynaj. «Zakon ab movach dazvalaje vybirać lubuju ź dziaržaŭnych movaŭ, i ja ŭdziačny sp.Jarmošynaj za taki vybar. Raju sp.Bałykinu spačatku inicyjavać źmieny ŭ zakon, bo biaz hetaha jahonyja skarhi i zvaroty ničoha nia vartyja. Chiba paprasić CVK nadrukavać dla sp.Bałykina persanalny biuleteń pa-rasiejsku, kab paźbiehnuć pamyłak, a paśla zdać jaho ŭ muzej».
Sp.Trusaŭ adznačyŭ, što ŭ historyi sučasnaj Biełarusi heta pieršy vypadak, kali aficyjny dakument, jakim jość biuleteń, nakładam 7 młn nadrukavany tolki pa-biełarusku. A voś infarmacyjnyja plakaty ŭ kožnym rajonie stalicy vykananyja na abiedźviuch dziaržaŭnych movach. «Adnak tolki Zavodzki rajon aformiŭ infarmacyjnyja stendy vyklučna pa-biełarusku», — kaža Aleh Trusaŭ.
Ciapier čytajuć
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»99
Kamientary