Lubaja hulnia takoha kštałtu vymahaje delehavańnia, chaj sabie i symbaličnaha, častki paŭnamoctvaŭ. Niama čaho!
Presa achvotna padchapiła kamieńčyk, kinuty ŭčora Łukašenkam u persanalny harod rasiejskaha prezydenta: maŭlaŭ, farmujecca kult asoby Pucina i ŭsio takoje. Mieniej źviarnuli ŭvahi na acenku rasiejskaj vybarčaj systemy. Miž tym fraza pra "dzikuju" systemu parlamenckich vybaraŭ pavodle partyjnych śpisaŭ maje praktyčnuju prajekcyju na biełaruskija realii.
Mnie i raniej davodziłasia zaznačać, što biełaruski aficyjny kiraŭnik, miarkujučy pa ŭsim, naściarožana stavicca da idei stvareńnia praprezydenckaj partyi i pierachodu da madeli kiravanaj demakratyi na rasiejski ci kazachstanski ŭzor. Padobna na toje, što taki scenar daŭno prapanujecca pryŭładnymi palittechnolahami i maje svaich prychilnikaŭ u atačeńni. Adnak Łukašenka dobra pamiataje zahnivańnie KPSS. Nie vypadkova ŭčora prahučała: "Ja vielmi pieražyvaju, kab Rasieja nie skaciłasia ŭ savieckija časy, kali ŭsie ŭskokvali, kryčali "Słava KPSS!" i "Ura!".
Zamianicie "Rasieja" na "Biełaruś" — i zrazumiejecie chod dumki.
Zvyš taho, idealohija jahonaj asabistaj ułady trymajecca na deklaravańni sakralnaj naŭprostavaj suviazi charyzmatyčnaha Baćki z narodam. Pramiežkavyja źviony razburajuć hetuju schiemu. I potym, lubaja hulnia takoha kštałtu vymahaje delehavańnia, chaj sabie i symbaličnaha, častki paŭnamoctvaŭ. Niama čaho!
Na ŭčorašniaj presavaj kanferencyi Łukašenka naŭprost vykazaŭsia za mažarytarnuju systemu vybaraŭ u parlament: "Ja liču, što ŭ kožnaj akruzie musić być kankretny deputat, adkazny pierad svaimi vybarcami. A śpisy takoj mahčymaści nie dajuć".
Reziume: nastupnyja parlamenckija vybary najchutčej što projduć biaz tych eksperymentaŭ (źmiešanaja systema i h.d.), što stali aktyŭna prahnazavacca ŭ źviazku ź niadaŭnim farsavanym stvareńniem strukturaŭ "Biełaj Rusi". Napeŭna budzie zapuščany stary vyprabavany mechanizm. Tak što plan apazycyi ładzić kampaniju na hruncie ahulnanacyjanalnaha śpisu pavodle pryncypu "adzin demakratyčny kandydat na akruhu" moža akazacca adekvatnym. Tearetyčna. Bo na praktycy šerah struktur dy asobaŭ majuć namier hulać sami pa sabie.
Inšaja reč, što pry adkatanaj systemie mažarytarnych vybaraŭ uładam praściej pryśpiešyć kampaniju — pieranieści na sakavik.
Zrešty, jaje vynik dla apazycyi budzie vyznačacca nia terminami i nia składam vyłučencaŭ, a najpierš tym, ci vyrašać ułady choć symbalična, dziela bliziru, paznačyć u parlamencie niejki pluralizm. Vyhladaje na toje, što nadta nie razhoniacca.
Ciapier čytajuć
Anžalika Mielnikava paśla źniknieńnia nabyła dźvie kvatery ŭ Minsku83
Anžalika Mielnikava paśla źniknieńnia nabyła dźvie kvatery ŭ Minsku
«Ź piaci varyjantaŭ try kvatery zdavalisia tolki hramadzianam Biełarusi». Rasijanie pierajechali ŭ Homiel paśla ataki USU na Bransk — što ich dzivić?2020
Kamientary