Biełaruskaja śpiavačka Hiuneš Abasava zaniała 2-je miesca ŭ finale muzyčnaha konkursu Turkvisyon-2013, što zavieršyŭsia ŭ subotu ŭ tureckim Eskišechiry. Hiuneš nabrała 205 bałaŭ u finale i atrymała 2-ju muzyčnu. premiju. Jana vystupała z ułasnaj pieśniaj Son Hatiralar (Apošnija ŭspaminy).
Konkurs vyjhraŭ pradstaŭnik Azierbajdžana Faryd Hasanaŭ ź pieśniaj «Yasa» (Žyvi), u jaho 210 bałaŭ.
Treciaje miesca ŭ pradstaŭnicy Ukrainy Fazile Ibraimavaj (200 bałaŭ).
Usiaho ŭ finale ŭdzielničali 12 čałaviek, u tym liku pradstaŭniki Turcyi, Kosava, Bośnii, Uźbiekistana, Paŭnočnaha Kipra, Ałtaja (Rasija). Darečy, pradstaŭniki Turcyi zaniali 6-je miesca.
Konkurs pieśni Turkvisyon — konkurs ciurkskaj pieśni. Heta byŭ pieršy konkurs, usiaho ŭ im brali ŭdzieł 24 krainy.
Ahulnaja ideja konkursu padobnaja da konkursu pieśni Jeŭrabačańnie, ale ŭ im spaborničajuć vykanaŭcy piesień na ciurkskich movach. Nastupny konkurs projdzie ŭ 2014 h. u Kazani (Tatarstan, Rasija).
Hiuneš Abasava — biełaruskaja śpiavačka azierbajdžanskaha pachodžańnia, naradziłasia i vyrasła ŭ Baranavičach. Pracuje ŭ Moładzievym teatry estrady ŭ Minsku. Šmatliki ŭdzielnik i pieramožca mnohich piesiennych konkursaŭ. Šeść razoŭ ŭdzielničała ŭ nacyjanalnym adbory na «Jeŭrabačańnie» — «Jeŭrafest». Najlepšaje dasiahnieńnie 2-je miesca ŭ 2009 h.
Uładalnica «Muzyčnaj premii telekanała STV»: pieramožca ŭ naminacyi «Najlepšy numar hoda. Fantastic girl»; pieramožca ŭ naminacyi «Najlepšy žanočy vakał hoda ŭ Respublicy Biełaruś».
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy74
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
Kamientary