Azaraŭ: Ukraina i Rasija viarnulisia da situacyi pierad 2011 hodam
Padpisanyja damovy z Rasiejaj vyratavali Ukrainu ad bankructva i sacyjalnaha kałapsu, jakija b nastali paśla padpisańnia asacyjacyi ź ES.
Pra heta zajaviŭ premjer Mikałaj Azaraŭ na pasiadžeńni ŭrada ŭ sieradu.
Pa słovach premjera, Janukoviču ŭdałosia «pastavić kropku» ŭ hazavym pytańni.
«Kiraŭnik dziaržavy damoviŭsia ab ekanamična abhruntavanaj canie na haz z 1 studzienia (2014 - red.) da kanca dziejańnia kantrakta», — zajaviŭ Azaraŭ.
Pavodle jaho słoŭ, heta daje novyja mahčymaści dla ŭkrainskaj pramysłovaści, enierhietyki, ŽKH adnavić ekanamičny rost i madernizacyju.
Azaraŭ zajaviŭ, što źniaćcie ekanamičnych barjeraŭ, jakija byli stvorany z 2011 hoda, maje «histaryčnaje značeńnie».
«My padymajem płanku da ŭzroŭniu 2011 i vyšej», — skazaŭ jon.
Pa słovach Azarava, Janukovič damoviŭsia ab «nadzvyčaj vyhadnych umovach kredytu dla ŭkrainskaj ekanomiki».
«U cełym, byŭ padpisany šyroki pakiet pahadnieńniaŭ, jakija adkryvajuć dla ekanomiki Ukrainy dobryja pierśpiektyvy na nastupnyja hady, a ŭradu dajuć mahčymaść pryniać siońnia biudžet sacyjalnaha i ekanamičnaha raźvićcia», - zajaviŭ premjer.
Pavodle jaho słoŭ, kali b Ukraina nie admoviłasia ad padpisańnia Pahadnieńnia ab asacyjacyi, to ciapier by mieła strašnyja nastupstvy.
«Ukrainu nakryła b žorstkaja realnaść. Užo siońnia my byli b vymušany pajści na patrabavańni MVF: udvaja pavysić taryfy na kamunalnyja pasłuhi, rezka abiascenić nacvalutu (darečy, usio, pastavili kropku na hetym!), skaracić vydatki biudžetu … « — namalavaŭ pierśpiektyvu Azaraŭ.
Pavodle jaho słoŭ, u vyniku hetych dziejańniaŭ krainu čakała b «bankructva i sacyjalny kałaps».
«Voś navahodni padarunak čakaŭ b Ukrainu ŭ hetym vypadku», — zajaviŭ premjer.
Pavodle jaho słoŭ, kali b lidary apazicyi «sumlenna skazali ludziam « ab takich pierśpiektyvach, to tyja b ich nie padtrymali.
Kamientary