Eštan: Janukovič paabiacaŭ ciaham sutak pryniać miery dla vychadu z kryzisu
Prezident Viktar Janukovič abiacaŭ na praciahu sutak pryniać miery dla vyrašeńnia kryzisnaj situacyi va Ukrainie.
Pra heta paviedamiła viarchoŭny pradstaŭnik ES pa pytańniach źniešniaj palityki i palityki biaśpieki Ketryn Eštan na pres-kanfierencyi ŭ Kijevie, piša «Ukrainskaja praŭda».
«Z taho, što ja pačuła ad spadara prezidenta, na praciahu 24 hadzin pavinna być niešta zroblena», — adznačyła jana. Eštan udakładniła, što « my hatovyja prapanoŭvać lubuju padtrymku, jakaja patrebna Ukrainie».
«My nie budziem umiešvacca ŭ toje, jak pavinien iści dyjałoh, ale my hatovyja akazvać svaju padtrymku», — skazała jana. Paśla sustrečy z uładami, apazicyjaj i hramadskaściu jana ŭdakładniła, što «ŭ karotkaterminovaj pierśpiektyvie nieabchodna vyjści na dyjałoh, a zatym padumać ab doŭhaterminovych płanach».
«Ja vyrazna daniesła našu pazicyju, što tak nielha ruchacca dalej, heta niapravilny sposab i nieabchodna vykarystoŭvać dyjałoh, pry jakim ludzi zmohuć vykarystoŭvać svajo prava na mirnyja demanstracyi, schody, a nie pravakavać situacyju, zaachvočvać ludziej da dalejšych pratestaŭ», — dadała dypłamat.
Jeŭrakamisar adznačyła, što «vielmi važna vyzvalić usich tych, chto byŭ aryštavany, i ja sapraŭdy maju na ŭvazie vyzvalić». «Ja dvojčy ŭžo abmiarkoŭvała heta z prezidentam i jon mnie skazaŭ, što heta budzie zroblena», — dadała jana.
-
Pucin na zakrytaj sustrečy z bujnymi biznesmienami prapanavaŭ im dobraachvotna prafinansavać vajnu z Ukrainaj
-
U ZŠA źbirajucca vypuskać dalary z podpisam Trampa
-
«Treba sieści i razmaŭlać. Kali nie atrymlivajecca — ustać i pajści». Koŭł zajaviŭ pra nieabchodnaść dyjałohu pamiž Biełaruśsiu i Litvoj na ŭzroŭni ministraŭ zamiežnych spraŭ
Ciapier čytajuć
U Biełarusi bolš nie buduć prymać płatnikaŭ u mieduniviersitety. Što pra heta kažuć daktary?1
Kamientary