«Pieryjad dyktatury zakančvajecca, z nastupnaha hoda pierachodzim da demakratyi», — skazaŭ siońnia Alaksandr Łukašenka na sustrečy sa staršynioj Centralnaj kamisii pa vybarach i praviadzieńni respublikanskich refierendumaŭ Lidzijaj Jarmošynaj.
Hetaje jahonaje vykazvańnie pakazaŭ telekanał «Biełaruś-1».
Jak było adznačana, u bližejšyja hady ŭ Biełarusi pavinny prajści try bujnyja vybarčyja kampanii: u 2014-m — vybary ŭ miascovyja Saviety deputataŭ [23 sakavika — NN], u 2015-m — prezidenckija vybary, u 2016 hodzie — parłamienckija.
«My pavinny całkam surjozna padyści da hetaha etapu raźvićcia našaj dziaržavy. Reč u tym, što situacyja niaprostaja i našy alternatyŭnyja palityki, nazaviem ich tak, nie budziem kryŭdzić ich zastupnikaŭ za miažoj, vielmi raźličvajuć voś na hety pramiežak, — adznačyŭ Łukašenka.
— Jany płanujuć, što vybary ŭ miascovyja saviety — heta budzie niejki pačatak, raźvićcio, a apahieju tak zvanaja demakratyja dasiahnie ŭ prezidenckija vybary i skončycca heta parłamienckimi vybarami».
«Stracić try hady dla raźvićcia krainy ŭ hety pieryjad budzie katastrafična. Tamu vybary buduć vielmi surjoznymi. My surjozna pavinny da hetaha pieryjadu rychtavacca.
I chaciełasia b, kab hetyja vybary stali demanstracyjaj sapraŭdnaj demakratyi.
Tut my pavinny ŭ ruki narodu addać usio dla taho, kab narod sam vyznačyŭsia, chto budzie kiravać im i dziaržavaj, jak budzie raźvivacca kraina i ŭ jakim kirunku. Heta majo žaleznaje mierkavańnie», — padkreśliŭ jon.
«Kali tam chtości razvažaje, što my ŭžo pačali padrychtoŭku da prezidenckich vybaraŭ, to, ščyra kažučy, ja naohuł nie ŭ kursie hetaj spravy.
Chaciełasia b, kab vy mnie raskazali, jak raźvivajucca padziei na hetym vybarčym «rynku», kali možna tak skazać. Ale ŭsio pavinna być sumlenna i spraviadliva. Ja tolki na heta raźličvaju», — skazaŭ Łukašenka.
Łukašenka taksama adznačyŭ, što ciapierašni kiraŭnik Centrvybarkama, jak i raniej, budzie zajmacca arhanizacyjaj i praviadzieńniem majučych adbycca palityčnych kampanij. «Vy za ich, jak zvyčajna, adkazvajecie. Kaho treba vy pryciahvajcie dla arhanizacyi i praviadzieńnia hetych vybaraŭ, ale čałaviek i orhan, jaki adkazvaje za vybary, za ich praviadzieńnie i za abviaščeńnie vynikaŭ, pavinien być adzin».
U płanie finansavańnia vybaraŭ Łukašenka papiaredziŭ, što «lišnich hrošaj niama», ale praca tych, chto budzie pryciahvacca na hety pieryjad, pavinna być dastojna apłočana.
«Ludziej, jakija buduć zaniatyja vybarami, my pavinny padtrymać, zapłacić im za hetuju pracu. Ale pažadana, kab my nienadoŭha adciahvali ludziej ad asnoŭnaj pracy. Asnoŭnuju nahruzku pieraniasiem na dziaržaŭnyja orhany, kab jany pracavali za košt tych srodkaŭ, jakija jany raschodujuć ź biudžetu na svaju dziejnaść. A ludziam, jakija buduć pryciahnuty na vybary, my, viadoma, pavinny zapłacić dastojna. Chočam jakaści — treba płacić. Ale lišnich hrošaj niama», — adznačyŭ jon
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie28
Kamientary