Praciah specaperacyi "El Pamidora":)
A kažuć, va ŭładaŭ mazhi zusim zakiśli! Piša ŭ svaim błohu Alaksandar Kłaskoŭski.
Arhanizatara "Sacyjalnaha maršu" Valera Uchnalova naviedaŭ milicejski praparščyk. I prapanavaŭ dać aryhinalnuju raśpisku — hetakuju apryjornuju klatvu lajalnaści. Padrabiaznaści voś tut.
A kažuć, va ŭładaŭ mazhi zusim zakiśli! Staroha zmahara Uchnalova, kaniešnie, na arapa nia voźmieš, ale nieabstralanuju častku apazycyjnaha aktyvu takim samatužnym prafilaktyčnym noŭ-chaŭ možna i napałochać.
Uvohule ž "Sacyjalny marš" napružvaje kiroŭnyja viarchi vidavočna bolej, čym "Eŭrapiejski". Apazycyja palezła hulać na pole prezydenta. A kryć nadta niama čym, bo resursy dziaržaŭnaha sacyjalizmu na zychodzie.
U vyniku kamunistaŭ Kalakina (i ŭvohule levy flanh apazycyi) dušać jak nikoli. Prypynili na paŭhodu dziejnaść PKB. Aryštavali pałovu nakładu "Tovariŝa". Nia kažučy ŭžo pra vierałomnuju specaperacyju "El Pamidora":), pad kaŭpak jakoj taksama patrapiŭ Valer Uchnaloŭ.
A što ž vy dumali? Niama čaho zamachvacca na śviatoje dla našaj narodnaj ŭłady — sacyjalnuju rytoryku! U nas, kab vy viedali, tolki adzin abaronca prostaha ludu.
Zrešty, analityk Valer Karbalevič dapuskaje, što ŭ rešcie reštaŭ aficyjny lider moža pierastupić cieraź siabie i achviaravać častkaj zvykłaha elektaratu. Bo ŭsio adno nie dasi rady padtrymlivać paternalisckuju madel. Tak što, prahnazuje ekspert, imavierna, buduć zapuščanyja mechanizmy aŭtarytarnaj transfarmacyi ź pieraaryjentyroŭkaj na maładziejšyja, bolej dynamičnyja i prasunutyja płasty elektaratu.
Tak ci nie, ale pakul što apazycyjnyja kamunisty patrapili pad razdaču. Što da ichniaha bajavoha orhanu, dyk ratuje sajt. Darečy, biez usialakich kpinaŭ, u hetaj redakcyi pracujuć profi, jakija, chaj sabie i pry peŭnych idealahičnych abmiežavańniach, robiać narmalovaje vydańnie.
Mianie ž viesialić ichni damen. Baćki viečna žyvoha vučeńnia, musić, u trunach varočajucca ad idealahičnaha aksiumaranu camarade.biz :)
Ciapier čytajuć
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj12
Kamientary