Latučy ŭniviersitet praciahvaje cykł publičnych lekcyj.
Prysutnyja atrymajuć mahčymaść być śviedkami adrazu niekalkich padziej. Pieršaja ź ich — publičnaja lekcyja »Analityka i hiermienieŭtyka, abo Jak nie pakryŭdzić čałaviečuju movu?». Spadar Piotr prapanuje zahłybicca ŭ historyju dvuch fiłasofskich kirunkaŭ — hiermienieŭtyki i analityčnaj fiłasofii. Akcentujučy ŭvahu na padabienstvach i adroźnieńniach pamiž imi, lektar raskaža pra prykłady ich prymianieńnia ŭ miežach litaraturnaj krytyki, palityčnych dyskursaŭ i štodzionnaj kamunikacyi.
Druhaja padzieja — prezientacyja novaj knihi fiłosafa «Vialiki vybuch u małoj Halilei». Ujaŭlajučy saboj pradukt fiłasofska-bahasłoŭskich refleksij, jana prapanuje čytačam nievialički ekskurs u historyju chryścijanstva i sprobu adšukać adkazy na šerah pytańniaŭ. Što zdaryłasia na miažy «staroj» i «novaj» ery? Što ŭjaŭlaŭ saboj duchoŭny i kulturny klimat u hreka-rymskim i judejskim śviecie ŭ čas publičnaj dziejnaści Isusa Chrysta? Jak farmavaŭsia Novy Zapaviet i jak vyhladaŭ kanon viery pieršych chryścijanaŭ? I heta tolki niekatoryja temy.
Na sustreču zaprašajucca ŭsie, chto cikavicca fiłasofskimi, histaryčnymi i relihijnymi prablemami i maje žadańnie dałučycca da adkrytaj prastory myśleńnia Latučaha ŭniviersiteta.
Publičnaja lekcyja Piatra Rudkoŭskaha «Analityka i hiermienieŭtyka, abo Jak nie pakryŭdzić čałaviečuju movu?» adbudziecca 23 listapada 2013 hoda pa adrasie: h. Viciebsk, vuł. Biełabarodava, 5, vialikaja zała Muzieja «VCSM». Pačatak a 15:30.
Prezientacyja knihi «Vialiki vybuch u małoj Halilei» adbudziecca paśla lekcyi ŭ toj ža zale, pačatak a 17:30.
Uvachod volny!
Ciapier čytajuć
«Ja jedu natchnicca ŭkraincami». Śviatłana Cichanoŭskaja pačała aficyjny vizit va Ukrainu12
Kamientary