Rabočych MAZa pieravodziać na čatyrochdzionku, skaračajuć zarobak
U redakcyju «NN» ananimna paviedamili, što ad zaŭtrašniaha dnia (15 listapada) i da kanca hoda ŭsie piatnicy na Minskim aŭtamabilnym zavodzie (MAZ) abvieščanyja vychodnymi dniami z apłataj 2/3 ad akładu.
Nie zakranie skaračeńnie zarobkaŭ tolki supracoŭnikaŭ aŭtobusnaj vytvorčaści.
Pa kamientar «NN» źviarnułasia na MAZ. Pamočnik hiendyrektara MAZ Alaksiej Dzierašaŭ paviedamiŭ, što «vynikovaje rašeńnie jašče nie pryniataje» i pavinna źjavicca siońnia ci zaŭtra.
Adnak krynica «NN» na zavodzie paćvierdziła, što piatnicami da kanca hoda rabočyja buduć atrymlivać źmienšany zarobak.
«My jašče nie bačyli zahad — jaho ŭvohule padrychtavali nastolki ciškom, što my nie viedali ničoha da siońniašniaj ranicy, — raskazaŭ supracoŭnik pradpryjemstva. — Ale načalnik cecha skazaŭ, što piatnicy da 20 śniežnia ŭklučna buduć apłočvacca pavodle taryfu 2/3 ad akładu.
Bolš za toje, 27, 30 i 31 śniežnia buduć adpačynkam za svoj košt.
I kali rabočyja buduć pracavać, dyk niekatorych vuzkich śpiecyjalistaŭ papiaredzili, što piatnicami jany buduć pracavać pa zajavach. Naprykład, treba dva čałavieki z usiaho štatu — im apłaciać pracoŭny dzień całkam, a ŭ astatnich vychadny.
Hruzaviki nie pradajucca, aŭtobusy nie pradajucca, niama kamplektujučych — ich niama za što zakuplać. Tamu vymušanyja ekanomić».
Kamientary