Chutka ad pradukcyi biełaruskich vytvorcaŭ z łahatypam čempijanatu śvietu pa chakiei na pryłaŭkach nie zastaniecca i śledu, paviedamlaje Respublika sa spasyłkaj na staršyniu Fiederacyi chakieja Jaŭhiena Vorsina.
Mižnarodnaja fiederacyja chakieja zaklučyła kantrakt sa šviedskaj firmaj, jakaja budzie ekskluziŭnym vytvorcam ŭsioj suvienirnaj pradukcyi. Jana vyznačyła pieralik tavaraŭ biełaruskich vytvorcaŭ z vyjavaj emblemy i talismana čempijanatu, jakija da 9 lutaha pavinny vyklučyć z prodažu i možna budzie viarnuć na pryłaŭki tolki paśla zaviaršeńnia chakiejnych batalij. U advarotnym vypadku na Biełaruś buduć nakładzieny vialikija štrafy.
«My prasili pajści nam nasustrač i dać mahčymaść handlavać vypuščanaj pradukcyjaj da pastupleńnia ekskluziŭnaj, ale atrymali admovu. Bo heta supiarečyć mižnarodnaj praktycy», — skazaŭ Vorsin
U śpisie ŭtrymlivajucca 26 vidaŭ pradukcyi, u tym liku natatniki, mahnity, kubki, majki, sumki, ściažki. Alternatyvy im ź lutaha nie budzie až da 4-5 maja 2014 h, pakul šviedy nie pastaviać svaje tavary ŭ kramy, fan-zony i ŭ šapiki aren.
Adzinymi nacyjanalnymi ŭnioskami ŭ industryju śviata stanuć marki, flikiery, kanvierty, vilhotnyja survetki, myła, binokli, nabory dla saŭnaŭ i charčovyja tavary - usiaho 12 hrup. Praŭda, realizoŭvać ich možna budzie tolki pa-za miežami fan-zon i spartyŭnych aren padčas čempijanatu.
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie4949
Kamientary