U Biełarusi razhladajecca mahčymaść zabaranić žycharam trymać śviniej. Jak paviedamiła infarmacyjnaje ahienctva BNS, pra heta zajaviŭ kiraŭnik Dziaržaŭnajcharčova-vieterynarnaj słužby (DCHVS) Litvy Jonas Milus pa vynikach sustrečy kiraŭnikoŭ vietsłužbaŭ Biełarusi, Rasii, Ukrainy i Litvy 25 lipienia.
«Biełaruś ciapier užo padzielena na dźvie zony biaśpieki, abmiažoŭvajecca pieramiaščeńnie žyvioł, pieravozka i zachoŭvańnie charčovych tavaraŭ. Razhladajecca mahčymaść zabaranić žycharam trymać śviniej pa ŭsioj krainie», — skazaŭ Milus.
Pavodle jaho mierkavańnia, bałtyjskija krainy i Polšča abaviazany rabić bolš žorstkimi miery pa baraćbie z raspaŭsiudžvańniem ahresiŭnaj afrykanskaj čumy śviniej.
Milus skazaŭ, što ŭ Biełarusi paćvierdžany dva aficyjnyja ačahi afrykanskaj čumy śviniej, jakija ŭžo likvidavanyja. Jon śćviardžaje, što inšyja krainy Bałtyi i Polšča pavinny raspačać previentyŭnyja miery, da jakich źviarnułasia Litva.
Milus śćviardžaje, što na biełaruskich pramysłovych kompleksach utrymoŭvajecca kala 3,5 młn. śviniej, tamu najpierš robicca sproba abaranić ich.
Pavodle słoŭ Milusa, na sustrečy ŭ Minsku byŭ pradstaŭleny prahnoz rasijskich vučonych, pavodle jakoha afrykanskaja čuma śviniej raspaŭsiudzicca na bałtyjskija krainy i Polšču, a praz Ukrainu — na Vienhryju i Aŭstryju.
Nahadajem, raniej Litva pačała pravodzić dezinfiekcyju aŭtamabilaŭ, jakija ŭjazdžajuć na jaje terytoryju, abutku i ruk ludziej.
Hałoŭnym śpikieram Žanočaha forumu ŭ Minsku stanie rasijski kryndžovy psichołah, jaki raskazvaŭ pra «pamiać žanočych pałavych hub»12
Kamientary