Mieksikanskija paleantołahi z Nacyjanalnaha instytuta antrapałohii i historyi INAH razam sa śpiecyjalistami Nacyjanalnaha univiersiteta ŭ Miechika paviedamili ab vyjaŭleńni ŭnikalnaha škileta hadrazaŭra. Doŭhi piacimietrovy chvost jaščara vydatna zachavaŭsia całkam i heta pieršaja padobnaja znachodka na terytoryi krainy.
Uzrost znachodki składaje 72 miljony hadoŭ. Źviestki, atrymanyja ŭ chodzie papiarednich daśledavańniaŭ, pakazvajuć na toje, što ŭvieś chvost hadrazaŭra naličvaŭ ad 50 da 70 pazvankoŭ i heta adpaviadaje tamu, što vyjavili daśledniki. Z-pad ziamli vyniata 50 pazvankoŭ, a ahulnaja daŭžynia cieła žyvioły aceńvajecca ŭ 12 mietraŭ.
Škilet byŭ znojdzieny ŭ zasušlivaj miascovaści ŭ štacie Kaauiła.
Hadrazaŭry byli ŭpieršyniu adkryty na terytoryi Paŭnočnaj Amieryki. Upieršyniu ich reštki vyjavili jašče ŭ XIX st., a zatym navukoŭcam atrymoŭvałasia znachodzić škilety dobraj zachavanaści, až da vyjaŭleńnia mumij z zachavanaj skuraj. Hetyja jaščary adnosiacca siamiejstva, jakoje nazyvajuć kačkanosymi dynazaŭrami.
Kamientary