Z 1 vieraśnia kiraŭnikam kamiercyjnych arhanizacyj abmiažujuć pamier zarobkaŭ

Zarpłata kiraŭnikoŭ kamiercyjnych arhanizacyj z 1 vieraśnia nie pavinna pieravyšać bolš jak u 8 razoŭ siaredniuju zarabotnuju płatu pa pradpryjemstvie.

Kaeficyjent suadnosin siaredniaj zarabotnaj płaty kiraŭnika kamiercyjnaj arhanizacyi niezaležna ad formy ŭłasnaści i siaredniaj zarabotnaj płaty pa arhanizacyi ŭ cełym nie moža pieravyšać 8,0. Takoje rašeńnie ŭtrymlivajecca ŭ pastanovie Savieta ministraŭ № 597 ad 8 lipienia 2013 hoda, apublikavanaj na Nacyjanalnym pravavym internet-partale. Jano nabyvaje moc 1 vieraśnia 2013 hoda.

Zhodna z dakumientam, rašeńnie ab vyznačeńni peŭnaha pamieru kaeficyjenta prymajecca orhanam, ź jakim zaklučyli kantrakt, kali inšaje nie ŭstanoŭlena prezidentam.

Pry hetym u dačynieńni da kiraŭnikoŭ dziaržaŭnych arhanizacyj i arhanizacyj, u statutnym fondzie jakich dola ŭłasnaści dziaržavy składaje bolš jak 50%, uklučajučy banki, hety kaeficyjent uzhadniajecca: da 6,0 uklučna — z orhanam, jakija ažyćciaŭlajuć uładalnicki nahlad; bolš jak 6,0 i da 8,0 uklučna — z orhanam, jaki ažyćciaŭlaje ŭładalnicki nahlad, i prem'jer-ministram.

Pry nievykanańni pa vynikach paŭhodździa dvuch i bolš pakazčykaŭ prahnozu sacyjalna-ekanamičnaha raźvićcia, daviedzienych va ŭstanoŭlenym paradku, kaeficyjent ustanaŭlivajecca nie bolš jak 4,0 uklučna.

U nastupnym kaeficyjent, vyznačany ŭ kantrakcie z kiraŭnikom kamiercyjnaj arhanizacyi, ustanaŭlivajecca pry vykanańni za kvartał usich pakazčykaŭ prahnozu sacyjalna-ekanamičnaha raźvićcia, daviedzienych va ŭstanoŭlenym paradku.

Pry raźliku kaeficyjenta nie ŭličvajucca dziaržpremii, hadavyja bonusy, materyjalnaja dapamoha i šerah inšych vypłat.

«Kiraŭnikam arhanizacyj niezaležna ad formy ŭłasnaści nie naličvajucca i nie vypłačvajucca ŭsie vidy premij, bonusaŭ i ŭznaharoda pa vynikach pracy za hod pry najaŭnaści straty ad realizacyi pradukcyi, tavaraŭ (rabot, pasłuh) za spravazdačny pieryjad u paraŭnańni z papiarednim pieryjadam pa arhanizacyi ŭ cełym i (ci) zavinavačanaści pa vypłacie zarabotnaj płaty», — havorycca ŭ pastanovie.

Saŭmin rekamienduje ŭłaśnikam majomaści arhanizacyj niedziaržaŭnaj formy ŭłasnaści, u tym liku arhanizacyj, u statutnym fondzie jakich dola ŭłasnaści dziaržavy składaje mienš jak 50 pracentaŭ, ustanaŭlivać umovy apłaty pracy kiraŭnikoŭ u adpaviednaści z pałažeńniem ab umovach apłaty pracy kiraŭnikoŭ dziaržaŭnych arhanizacyj i arhanizacyj z dolaj ułasnaści dziaržavy ŭ ich majomaści, zaćvierdžanaj hetaj pastanovaj.

• 0
• 0
• 0
• 0
• 0
• 0
• 0
• 0