«Francuskaja dla pačatkoŭcaŭ»
Francuskaja dla pačatkoŭcaŭ (Französisch für Anfänger)
Niamieččyna, 2006, kalarovy, 98 chv.
Režyser: Krystyjan Dyter
Roli vykonvajuć: Fransua Hiesk, Pauła Šram, Lenard Biercbach, Eładzi Bale, Tadevuš Majlinhier, Dzitrych Adam
Žanr: Ramantyčnaja padletkavaja kamedyja
Adznaka: 5 (z 10)
Niamiecki školnik Hienrych dvuch słoŭ nia moža źviazać pa-francusku. Ale, kab spadabacca Valery, chłopiec razam sa školnym hurtkom frankafiłaŭ adpraŭlajecca ŭ Paryž…
Pieršaje kachańnie, padletkavaja reŭnaść, nierazumieńnie – i niamota ŭ čužym horadzie. Pozirki, stuk serca – i pryznańnie naprykancy.
U adroźnieńni ad padletkavych amerykanskich kamedyj z ryhalnymi žartami i pryščavym seksam – niamieckaja karcina Dytera cnatlivaja, jak dziciačy pacałunak. Heta nie zaminaje hierojam raŭnavać adzin adnaho, zasmučacca, bajacca skazać słova, saromiecca, ździŭlacca j radavacca.
Niamieckaje kino zaŭždy vyłučałasia sacyjalnym pozirkam – i kamedyi tut nia vyniatak (što nie idzie im na karyść). Kantrast kulturaŭ – vyklikaje śmiešnyja nieparazumieńni; hieroj vučycca čužoj kultury – dyj uvazie da inšaha čałavieka.
Padletak zalivaje vino ŭ miuśli (šok u francuskich haspadaroŭ), “katujecca” bahataj halskaj kuchniaj – i na radaściach raźbivaje čužuju mašynu.
Humar u karcinie karektna-sacyjalny, hieroi – cichmianyja j amal bieskanfliktnyja (što nie zaminaje padletkavym žarściam).
Film – amal dyjetyčnaje vidovišča dla padletkaŭ – i moža być śmieła rekamendavany dla školnych prahladaŭ.
Pa kantraście z panoŭnaj kinapradukcyjaj vyklikaje ździŭleńnie.
Ciapier čytajuć
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna15
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha14
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5555
Kamientary