Viciebskuju siabru HA «Biełaruskaja asacyjacyja žurnalistaŭ» Alenu Ściapanavu vinavaciać u parušeńni zakanadaŭstva ab ŚMI. U milicyi miarkujuć, što Alena supracoŭničaje z zamiežnym ŚMI biez akredytacyi.
9 lipienia žurnalistka razam z advakatam naviedała Kastryčnicki RAUS Viciebska, dzie staršy inśpiektar adździeła achovy pravaparadku i prafiłaktyki Siarhiej Viaraksa aznajomiŭ jaje z pratakołam.
Pavodle dakumienta, Kastryčnicki RAUS zavioŭ suprać jaje administratyŭnuju spravu pa art. 22.9 č. 2 KaAP. Milicyjanty śćviardžajuć, što Alena na praciahu doŭhaha pieryjadu «ažyćciaŭlała prafiesijnuju dziejnaść žurnalista zamiežnaha ŚMI „Radyjo Svaboda“ biez adpaviednaj akredytacyi».
«U materyjałach spravy, jakija pieradajucca ŭ sud, siarod dokazaŭ jość i takija: maŭlaŭ, milicyjanty bačyli, što ja prysutničała ŭ sudach nad aktyvistami i niešta zapisvała ŭ svaim błaknocie, — raspaviała Alena. — Albo niechta bačyŭ, što ja zvaniu pa telefonie i raskazvaju pra padziei „niavyśvietlenym asobam“. Z hetaha jany robiać vysnovu, što ja supracoŭničaju z Radyjo „Svaboda“…»
Žurnalistka admovilisia davać tłumačeńni, spasłaŭšysia na art. 27 Kanstytucyi, jaki daje čałavieku prava nie śviedčyć suprać samoha siabie.
U žniŭni minułaha hoda Alenie Ściapanavaj abłasnaja prakuratura vyniesła papiaredžańnie za supracoŭnictva z «češskaj redakcyjaj Radyjo „Svaboda“». Chacia takoha ŚMI i nie isnuje, asprečyć sankcyju žurnalistcy tady nie ŭdałosia.
12 lipienia spravu Aleny budzie razhladać Kastryčnicki rajsud Viciebska, pačatak, a
Ciapier čytajuć
Stali viadomyja padrabiaznaści pra trahiedyju ŭ Połackim manastyry16
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary