Rejs pasažyrskaha samalota kitajskaj avijakampanii Air China ledź nie skončyŭsia trahiedyjaj praz zahadkavaje zdareńnie ŭ pavietry.
Praz 40 chvilin paśla ŭźlotu piłoty i pasažyry adčuli ŭdar, niby niešta sutyknułasia z łajnieram, a paźniej, užo na ziamli, ubačyli nastupstvy niabiesnaj avaryi: abciakalnik pavietranaha sudna byŭ źmiaty, niby chtości ŭdaryŭ samalot vialikim kułakom sapraŭdy ŭ nos.
Incydent adbyŭsia 4 červienia padčas pieralotu Boeing 757–200 avijakampanii Air China z Čendu ŭ Huančžou. Pasadka prajšła štatna, nichto nie paciarpieŭ.
Karystalniki sychodziacca ŭ mierkavańni, što sprava mahła być u NŁA — niavyznačany latalny abjekt. Takim moh być, naprykład, bieśpiłotnik. Viersija davoli realistyčnaja, kali ŭličyć, što takija precedenty ŭžo byli. Praŭda, takoje sutyknieńnie samalota napeŭna b skončyłasia trahiedyjaj.Incydent vyklikaŭ vialiki rozhałas u internecie.
Niekatoryja karystalniki dzielacca ŭłasnym dośviedam — akazvajecca, takoje zdarałasia i raniej.Tak, pa słovach adnaho z udzielnikaŭ dyskusii, piłota, jaho samalotu sapraŭdy tak ža padbiła nos padčas rejsa ŭ Taronta.
Paźniej vyśvietliłasia, što tak korpus adreahavaŭ na niečakany pierapad cisku ŭnutry ašaloŭki — «miakki» nos litaralna ŭciahnuła ŭnutr. Taksama, jak vynikaje z apoviedaŭ «byvałych», taki efiekt moža mieć traplańnie kavałka lodu, jaki sarvaŭsia z korpusa samalota, što pralataŭ pobač.
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2121
Kamientary