Alaksandr Łukašenka pavinšavaŭ Nikałasa Maduru Morasa ź pierakanaŭčaj pieramohaj na prezidenckich vybarach u Vieniesuele.
«Siońnia ŭ Biełarusi ščyra rady za vas i Vieniesuełu. My ŭsim sercam i dušoj chvareli za pradaŭžalnika spravy vialikaha palityka XX i XXI stst. — kamandante Uha Čavesa.
Vybar, zrobleny vieniesuelskim narodam, śviedčyć pra vielizarny davier i pryznańnie vašych vydatnych zasłuh u abaronie i padtrymcy dziaržaŭnych intaresaŭ Vieniesueły»,— adznačyŭ Łukašenka.
Taksama Łukašenka zaprasiŭ Maduru naviedać Biełaruś u luby zručny dla jaho čas.
Kazać pra pierakanaŭčuju pieramohu Madury nie vypadaje. Jon pieramoh z vynikam 50,76%.U adzinaha kandydata ad apazicyi Enrykie Kaprylesa — 49,07% hałasoŭ. Kapryles zapatrabavaŭ pieraliku hałasoŭ. Centrvybarkam Vieniesueły nie vyklučaje takoj mahčymaści. Madura taksama nie suprać pierapravierki.
Pavinšavaŭ Maduru ź pieramohaj taksama kiraŭnik Rasii Uładzimir Pucin.
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie28
Kamientary