Znajści miesca na červień-lipień užo składana.
Viasna tolki-tolki pryjšła, śnieh jašče nie syšoŭ. Adnak dzie pravieści svoj adpačynak, varta vyrašać užo ciapier.
Hod za hodam biełarusam raskazvajuć strašyłki — u ajčynnyja sanatoryi nie prabicca, bo ŭsio zabraniravana rasijcami. «Naša Niva» abzvaniła samyja papularnyja sanatoryi i azdaraŭlalnyja centry krainy, kab daviedacca, ci možna jašče nabyć pucioŭku i kolki heta budzie kaštavać.
«Radon» znachodzicca na Dziatłaŭščynie. Sanatoryj śpiecyjali-zujecca na lačeńni kaściova-ciahlicavaj i niervovaj sistem, a taksama pałavych orhanaŭ. Tutaka ž i adna z najlepšych hrazielačebnic. Jak vynik, usie miescy raśpisanyja ažno da kanca žniŭnia! Adzin dzień lačeńnia tut kaštuje $40—50 dla biełarusaŭ. Dla zamiežnikaŭ — napałovu daražej. Admietna, što ceny dla niebiełarusaŭ pryvodziacca ŭ rasijskich rublach. Adrazu zrazumieła, kaho čakajuć u hości.
Na bierazie Zasłaŭskaha vadaschovišča znachodzicca «Junactva», jakoje śpiecyjalizujecca na sardečnikach i chvarobach aporna-ruchalnaha aparata. Try pucioŭki na maj, dźvie na červień, čatyry na lipień i try na žnivień. Vybar jość, ale niebahaty, tamu niavarta marudzić. Za adzin dzień daviadziecca zapłacić $50—60. Dla zamiežnikaŭ — na 40% bolš.
U sanatoryi «Biełarusačka» pad Minskam, jaki śpiecyjalizujecca na lačeńni cukrovaha dyjabietu, rajać pakinuć zajaŭku na sajcie. Miescy pakul jašče jość, i na červień, i na lipień. Cana dla biełarusaŭ — $45—60 za dzień. Raduje źnižka dla siabroŭ prafsajuza — 25%.
Sanatoryj «Sosny» na Naračy moža prapanavać adno miesca ŭ mai i adzin numar na dvaich u žniŭni. A voś u sanatoryi «Aziornym» pad Hrodnam zastałasia tolki adna pucioŭka ŭ kancy maja. Inačaj varta zapisvacca tolki na kastryčnik.
$50 za dzień u biełaruskim sanatoryi — a minimalnaja pucioŭka zvyčajna ŭklučaje ŭ siabie 12 dzion — u vyniku abyducca siamiejnamu biudžetu ŭ niemałuju sumu.Mnohija abiaruć za $500—600 z čałavieka vyjezd na mora ŭ Bałharyju, Turcyju ci chacia b Krym. Adnak jakasnaje profilnaje lačeńnie ŭ Turcyi naŭrad ci sustrenieš. U hetym zastajecca hałoŭnaja pieravaha ajčynnych sanatoryjaŭ.
Ciapier čytajuć
Vandroŭnik i biznesoviec ź Minska za dva dni znajšoŭ sabie praz sacsietki niaviestu — najbolš spadabałasia dziaŭčyna z Rasii34
Vandroŭnik i biznesoviec ź Minska za dva dni znajšoŭ sabie praz sacsietki niaviestu — najbolš spadabałasia dziaŭčyna z Rasii
«Ź piaci varyjantaŭ try kvatery zdavalisia tolki hramadzianam Biełarusi». Rasijanie pierajechali ŭ Homiel paśla ataki USU na Bransk — što ich dzivić?3636
Kamientary