Pamior rasijski akcior Valeryj Załatuchin. Jamu byŭ 71 hod.
Załatuchin pamior ranicaj 30 sakavika ŭ balnicy. Pra toje, što akciorn znachodzicca ŭ reanimacyi, stała viadoma 5 sakavika. Tady ž jon pakinuŭ pasadu mastackaha kiraŭnika teatra na Tahancy, jakuju zajmaŭ z 2011 hoda. Paśla taho jak Załatuchinu pastavili dyjahnaz «puchlina mozhu», jaho źmiaścili ŭ Rasijski centr renthienaradyjałohii, dzie jon znachodziŭsia až da svajoj śmierci.
Valeryj Siarhiejevič Załatuchin naradziŭsia 21 červienia 1941 hoda ŭ vioscy Chutki Vytok, što ŭ Ałtajskim krai Rasii.Ad 1964 h. źjaŭlaŭsia akcioram Teatra na Tahancy ŭ Maskvie. Debiutavaŭ u kino ŭ filmie Uładzimira Nazarava «Pakiet» pavodle apovieści Leanida Pancialejeva pra pryhody čyrvonaarmiejca Trafimava.
Źniaŭsia ŭ takich filmach, jak «Haspadar tajhi» (1969, učastkovy Siarožkin), «Bumbaraš»(1972), «Skaz pra toje, jak car Piotr arapa žaniŭ «(1976) dy inš.
Aŭtar niekalkich knih uspaminaŭ, u tym liku pra Uładzimira Vysockaha.
Kamientary